ދޯންޏެއް ބަންޑުން ޖަހާލައި ހިނގި ކަނޑުމަތީގެ ހާދިސާއެއްގައި ދިވެއްސަކު ނިޔާވެއްޖެއެވެ.

ގައުމީ ދިފާޢީ ބާރުން ބުނީ، "ލިއޯ" ނަމަކަށް ކިޔާ ދޯންޏެއް، ކ. ތުލުސްދޫ ކައިރިން ބަންޑުންޖަހާލިކަމުގެ ރިޕޯޓު، އަންގާރަ ދުވަހުގެރޭގެ ވަގުތެއްގައި ލިބިފައިވާކަމަށެވެ.

Ad by Hajj Corporation

ހާދިސާގެ ރިޕޯޓު ލިބުމާ ގުޅިގެން، މާލޭ އޭރިއާ ސެކަންޑް ސްކޮޑްރަން އިން ހަރަކާތްތެރިވެފައިވާ ކަމަށާއި އެ ދޯނިން ދަތުރުކުރަމުންދިޔަ 6 މީހުންގެ ތެރެއިން އެކަކު ގެއްލުމުގެ ރިޕޯޓޫ ލިބުމުން، އެ މީހާ ހޯދުމުގެ މަސައްކަތް ކުރަމުން ދަނިކޮށް، އެ މީހާ ހޯދުމުގެ މަސައްކަތް ކުރަމުންދިޔަ ތުލުސްދޫ ބަޔަކަށް އެ މީހާގެ ހަށިގަނޑު ފެނިފައިވާކަމަށް އެމްއެންޑީއެފްގެ އިންފޮމޭޝަން އޮފިސަރު ވިދާޅުވިއެވެ.

މިކަމާ ގުޅިގެން ދިވެހި ފުލުހުންގެ ޚިދުމަތުން ބުނީ، ގެއްލުނު މީހާ ތުލުސްދޫގައި ހުންނަ ކ. އަތޮޅު ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ހޮސްޕިޓަލުން މައުލޫމާތުދީފައިވާ ކަމަށެވެ.

ނިޔާވެފައިވަނީ ބ. ކުޑަރިކިލަށް ނިސްބަތްވާ ފިރިހެނެކެވެ.