ދިވެހިރާއްޖޭގެ ސަރަހައްދަށް ގަވާއިދާ ހިލާފަށް ވަދެއުޅުނު ބޭރުގެ މަސްބޯޓެއް އެމްއެންޑީއެފް އަތުލައިގަނެފިއެވެ.

އެމްއެންޑީއެފުން ބުނީ ދިވެހިރާއްޖޭގެ ހާއްސަ އިގްތިސާދީ ސަރަހައްދަށް ގަވާއިދާ ހިލާފަށް ވަދެ އުޅުނު ބޭރުގެ މަސްބޯޓެއް، އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށެވެ.

Ad by Hajj Corporation

އެ މަސް ބޯޓުގައި 6 މީހުން ތިބި ކަމަށާއި،އެއީ ސްރީލަންކާއަށް ނިސްބަތްވާ މަސްބޯޓެއް ކަމަށް އެމްއެންޑީއެފުން ބުނެއެވެ. އެ ބޯޓު މިހާރު ފުލުހުންނާ ހަވާލުކޮށްފައިވާ ކަމަށް ވެސް އެމްއެންޑީއެފުން ބުނެއެވެ.

ސްރީލަންކާއަށް ނިސްބަތްވާ އެ ބޯޓު ފެނިފައިވަނީ ކ.ދިއްފުއްޓާ ދިމާ އިރުމަތިން ރާއްޖޭގެ ހާއްސަ އިގްތިސާދީ ސަރަހައްދުން ކަމަށް އެމްއެންޑީއެފުން މައުލޫމާތު ދެއެވެ.  މަދުން ނަމަވެސް ރާއްޖޭގެ ޙާއްސަ އިގްތިސާދީ ސަރަހައްދުން ބޭރުގެ މަސްބޯޓުތައް ވަދެ އެމްއެންޑީއެފްގެ ބެލުމުގެ ދަށައް ގެނެއެވެ.