އިރާނުން އިސްރާއީލަށް ދިން ރައްދު ހަމަލާތަކަކީ ހިންދެމިލަން ލިބުނު ފުރުސަތެއްކަމުގައި މިއަދު ހަމާސްއިން ޔަހޫދީންނާ ދެކޮޅަށް ވަރުގަދަ ހަމަލާތަކެއްދީފިއެވެ.

މި ހަމަލާތަކުގައި ސަހުޔޫނީންގެ 7 މީހަކު މަރުވެފައިވާއިރު އިތުރު 17 މީހަކު ވަނީ ޒަހަމްކޮށްލާފައެވެ.

Ad by Hajj Corporation

ޔަހޫދީ މީޑިޔާތަކުން ބުނީ، ޔަހޫދީ ސިފައިންގެ ދެ ޔުނިޓެއްގެ ސިފައިންނަށް ހަމާސުން ކުއްލި ހަމަލާތަކެއް ދީފައިވާއިރު ހަމަލާތަކުގައި މަރުވި މީހުންނާއި ޒަހަމްވި މީހުން ނުލައި ސިފައިންގެ ބައެއް މީހުން ވީނުވީއެއް ނޭނގި ގެއްލިފައިވެސްވާކަމަށެވެ.

ހަމާސްއިން ވަނީ ފުރަތަމަ ހަމަލާގައި ޔަހޫދީ ސިފައިން އުފުލުމަށް ބޭނުން އުޅަނދެއްގައި ރޯކޮށްލާފައެވެ. މީގެ ސަބަބުން ޔަހޫދީންގެ ގިނަ ބަޔަކުވަނީ އެ އުޅަނދުގެ ތެރޭގައި ތާށިވެފައެވެ.

ދެވަވަނަ ހަމަލާ ހަމާސްއިން އަމާޒުކޮށްފައިވަނީ ފުރަތަމަ ހަމަލާގައި ރޯކޮށްލި އުޅަނދުގައި ތިިބި މީހުންނަށް އެހީވުމަށް އެ ސަރަހައްދަށް ދިޔަ ޔަހޫދީ ސިފައިންގެ އިތުރު މީހުންނަށެވެ.

ޚާން ޔޫނިސްގައި ފަޅުކޮށްފައިވާ އިމާރާތެއްގެ ތެރޭގައި ފިލާ ތިބި ޔަހޫދީންނަށްވެސް ހަމަލާތަކެއް ދީފައިވާއިރު މި ހަމަލާގައިވެސް ގިނަ ބަޔަކު މަރާލާފައިވާނެކަމަށް ހަމާސްގެ ހަތިޔާރު އެޅި ގޮފި، ޢިއްޒުއްދީން އަލް-ޤައްސާމް ލަޝްކަރުން ވަނީ ބުނެފައެވެ.

މިއާއެކު ޣައްޒާ ދުވާނުގައި މަރައިލާފައިވާ ޔަހޫދީ ސިފައިންގެ އަދަދު 879އަށް އުފުލިފައިވާ ކަމުގައި ޔަހޫދީން ބުނެއެވެ. ނަމަވެސް މިއަށްވުރެ އަދަދުތައް އިތުރުވެގެންދާނެކަމަށް މަސްރަހު ދިރާސާކުރާ ފަރާތްތަކުން ދެކެއެވެ.