ރާއްޖެއާއި ސްރީލަންކާއާއި ދެމެދު ކޮމާޝަލް ޑިއުޓީ-ފްރީ ޒޯނެއް ޤާއިމްކުރަން މިހާތަނަށް ޚިޔާލު ވެސް ކުރެވިފައެއްނުވާކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.

ކޮމާޝަލް ޑިއުޓީފްރީ ޒޯނެއް ގާއިމުކުރަން ރާއްޖެ އާއި ސްރީލަންކާއާ ދެމެދު މަޝްވަރާކުރަމުން އަންނަ ކަމަށް ލަންކާގެ ބައެއް ނޫސްތަކުން ބުނުމުން ރާއްޖޭގެ ބައެއް މީޑިއާތަކުން ވެސް އެވާހަކަ ވަނީ ރިޕޯޓްކޮށްފައެވެ.

Ad by Hajj Corporation

މިވާހަކަތައް ދޮގުކުރަށްވައި ސައީދު އެސްގައި ކުރެއްވި ޕޯސްޓެއްގައި ވިދާޅުވީ، ރާއްޖެއާއި ސްރީލަންކާއާއި ދެމެދު ކޮމާޝަލްޑިއުޓީފްރީޒޯނެއްޤާއިމް ކުރަންދިވެހިސަރުކާރުން މަސައްކަތްކުރާވާހަކައަކީ ރަނގަޅުވާހަކައެއްނޫން ކަމަށެވެ. އަދި އެއީމިހާތަނަށް ހިޔާލުކުރެވި ނުވަތަ މަޝްވަރާކުރެވިފައިވާކަމެއްވެސްނޫން ކަމަށް ވިދާޅުވެފަވެއެވެ.

‘’ރާއްޖެއާއި ސްރީލަންކާއާއި ދެމެދު ކޮމާޝަލްޑިއުޓީފްރީޒޯނެއްޤާއިމް ކުރަންދިވެހިސަރުކާރުން މަސައްކަތްކުރާވާހަކައަކީ ރަނގަޅުވާހަކައެއްނޫން. އެއީމިހާތަނަށް ހިޔާލުކުރެވި ނުވަތަ މަޝްވަރާކުރެވިފައިވާކަމެއްވެސްނޫން.’’ އިކޮނޮމިކް މިނިސްޓަރު ސައީދު

ރަސްމީކޮށް ސައީދު މިފަދައިން ވިދާޅުވިއިރު، މި ރިޕޯޓުތަކާ ގުޅިގެން ލަންކާ ސަރުކާރުން ވެސް އަދި ރަސްމީކޮށް އެއްޗެއް ބުނެފައެއް ނުވެއެވެ.