ތ.ވިލުފުށި ބަނދަރުގައި އޮތް ތެޔޮ އުފުލާ ދެ ދޯންޏެއްގައި ހިނގި އަލިފާނުގެ ހާދިސާގައި ފިހުނު ދިވެހި މީހާއަށް އައިސީޔޫގައި ފަރުވާ ދެމުން އަންނަ ކަމަށް އައިޖީއެމްއެޗުން ބުނެފިއެވެ.

އެރަށު ކައުންސިލުން އަންގާރަ ދުވަހު މެންދުރު ޓީވީއަށް ބުނީ އަލިފާނުގެ ހާދިސާ ހިނގާފައިވަނީ ތެލުގެ ވިޔަފާރިކުރާ އަމިއްލަ މީހެއްގެ ދެ ދޯނީގައިކަމަށެވެ.

Ad by Hajj Corporation

ހާދިސާގައި ދޯނީގެ ވެރިފަރާތާއި ދޯނީގައި މަސައްކަތްކުރާ ބިދޭސީއަކު ފިހެގެން އެ ރަށު ހެލްތް ސެންޓަރުގައި ވަނީ ފަރުވާދީފައެވެ.

ހާދިސާއާ ގުޅިގެން މެންދުރު ޓީވީއަށް މައުލޫމާތު ދެއްވަމުން އައިޖީއެމްއެޗްގެ މީޑިއާ އޮފިޝަލް މެންދުރަށް ވިދާޅުވީ ހާދިސާގައި ބޮޑުވަރުވި ދޯނީގެ ވެރިމީހާއަށް ފަރުވާދެމުން އަންނަނީ އައިޖީއެމްއެޗްގެ އައިސީޔޫގައިކަމަށެވެ.

މި ހާދިސާގެ މަޢުލޫމާތު އެމްއެންޑީއެފްއަށް ލިބިފައިވަނީ އަންފާރަ ދުވަހުގެ ހެނދުނު 09:41 ހާއިރުކަމަށްވެސް އެމްއެންޑީއެފްއިން މައުލޫމާތުދެއެވެ.