ރާއްޖެއަށް މަސްތުވާތަކެތި އެތެރެ ކުރި 65 އަހަަރުގެ ދިވެހި ފިރިހެނަކު ހައްޔަރުކޮށްފިއެވެ.

މި މައްސަލާ ގުޅިގެން ހައްޔަރުކޮށްފައި ވަނީ އައްޑޫ ސިޓީ ހިތަދޫއަށް ނިސްބަތްވާ މީހެކެވެ.

އޭނަ އަކީ ސެޕްޓެމްބަރު 16 ވަނަ ދުވަހު ރާއްޖެ އައި ސްރީލަންކަން އެއަރލައިންސް ފްލައިޓް ނަންބަރު UL103 އިން ރާއްޖެއަށް މަސްތުވާތަކެތި އެތެރެ ކުރި މީހެކެވެ.

އޭނާގެ އަތުން މަސްތުވާތަކެތި ފެނިފައި ވަނީ ބަލައިފާސްކުރުމުގެ ތެރޭގައެވެ. އޭނާގެ އަތުން 3.49 ގްރާމްގެ ހެރޮއިން ފެނިފައި ވެއެވެ.

ބަންދާއި ހައްޔަރުގެ ރެކޯޑް އޮންނަ މި މީހާގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހައިފައެވެ.