ދިވެހިރާއްޖޭގެ މުއްސަނދި ތާރީޚާއި އަދި މީރު ކެއިންބުއިމަށް ލިބިގެންދިޔަ ބޮޑު ޝަރަފެއްގެ ގޮތުން، 2025 ވަނަ އަހަރު ބޭއްވުމަށް ހަމަޖެހިފައިވާ ވޯލްޑް ކަލިނަރީ އެވޯޑްސްގައި ތިން ދާއިރާއަކުން ދިވެހިރާއްޖެ ނޮމިނޭޓްވެއްޖެއެވެ.

Ad by Hajj Corporation

ފަތުރުވެރިކަމާ ބެހޭ ވުޒާރާއިން ބުނީ މިއީ ދިވެހިރާއްޖޭގެ ކެއިންބުއިމުގެ ސަގާފަތާއި، ތާރީޚަށް ލިބިގެންދިޔަ ވަރަށް ބޮޑު ކާމިޔާބީއެއްކަމަށެވެ. މުޅި ދުނިޔެއަށް ދިވެހި ކެއިންބުއިމުގެ މޮޅުކަން ދައްކުވައިދޭނެ ރަނގަޅު ފުރުސަތަކަށް މި ފުރުސަތުވާނެކަމަށާއި މި އެވޯޑްސްގައި ރާއްޖެ ނޮމިނޭޓްކުރެވިފައިވަނީ ތިން ދާއިރާއަކުން ކަމަށްވާއިރު، މިއީ މި ދާއިރާއިން ލިބުނު ވަރަށް ބޮޑު ޝަރަފެއްކަމަށް ވުޒާރާއިން ފާހަގަކުރެއެވެ.

މި ކާމިޔާބީއާ އެކު، ދިވެހި ކެއިންބުއިމުގެ ދުނިޔޭގެ މަޝްރަހުގައި ރާއްޖޭގެ މަގާމު އިތުރަށް ހަރުދަނާވެގެންދާނެ ކަމަށް ބެލެވެއެވެ. ރާއްޖޭގެ ކެއިންބުއިމަށް ލިބުނު މި ބޮޑު ޝަރަފަކީ، ރާއްޖޭގެ ފަތުރުވެރިކަމަށް ވެސް އިތުރު ކުރިއެރުމެއް ގެނެސްދޭނެ ކަމެއް ކަމަށް ގިނަ ބަޔަކު ދެކެއެވެ. އަދި އިތުރަށް ރާއްޖެ އިސްތިހާރުވެގެންދާނެ ފުރުސަތެއްކަމަށް ބެލެވެއެވެ.