ފެނަކަގެ ޗެއާމަން ކަމުގެ މަގާމަށް ފިނޭންސް އެންޑް ޕްލާނިންގ މިނިސްޓްރީގެ ސްޓޭޓް މިނިސްޓަރު ހުސައިން ޝާމް އާދަމް އައްޔަން ކުރައްވައިފިއެވެ.

ޝާމް އެ މަގާމަށް އައްޔަން ކުރެއްވުމާއި ގުޅިގެން ފެނަކައިން އެކްސްގައި ކުރެއްވި ޕޯސްޓެއްގައި ވިދާޅުވީ، ޝާމް އެ ކުންފުންޏާ ގުޅިވަޑައިގަތުމަކީ ކުންފުންޏަށް ލިބިގެންދިޔަ އިތުރު ކުރިއެރުމެއް ކަމަށެވެ.

Ad by Hajj Corporation

"ކުރިއަށް އޮތް މަސައްކަތްތަކުގައި ކުންފުނީގެ ފަރާތުން ކާމިޔާބީއަށް އެދެން،". ފެނަކަ އިން ވިދާޅުވެފައި ވެއެވެ.

މީގެ ކުރިން އެ މަގާމުގައި ހުންނެވީ އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމެވެ. ޝިމާދު ވަކިވުމާއި ގުޅިގެން ފެނަކައިން އެކްސްގައި ކުރެއްވި ޕޯސްޓެއްގައި ވިދާޅުވީ، ޝިމާދު އެ ކުންފުންޏަށް ހިދުމަތްކޮށްދެއްވި މުއްދަތުގައި ދައްކުވައިދެއްވި ލާމަސީލު ނަމޫނާއަށާއި، ތަސައްވުރާއި އަދި ލީޑާޝިޕަށްޓަކައި ހިތުގެ އަޑިން ޝުކުރު ދަންނަވާ ކަމަށެވެ.