ނޮޓިންގަމް ފޮރެސްޓްގެ މޯގަން ގިބްސް-ވައިޓް ޓޮޓްނަމް ހޮޓްސްޕަރއަށް ބަދަލުވުމުގެ މަގުމަތީގައިވާ ކަމަށް ރިޕޯޓުތައް ދައްކައިފިއެވެ. އިނގިރޭސި މިޑްފީލްޑަރުގެ ރިލީޒް ކްލޯޒްގެ އަގު ކަމަށްވާ 60 މިލިއަން ޕައުންޑް ޓޮޓްނަމްއިން ދައްކާފައިވާ ރިޕޯރޓްތައް ބުނެއެވެ.

25 އަހަރުގެ ގިބްސް-ވައިޓް މެޑިކަލް ޓެސްޓުތައް ހެދުމަށް ހަމަޖެހިފައިވަނީ މިއަދު ހުކުރު ދުވަހުއެވެ. އަމިޓްރާންސްފަރ ކުރިއަށް އޮތް 24 ގަޑިއިރު ތެރޭގައި ނިމޭނެ ކަމަށް ލަފާކުރެވެއެވެ. ގިބްސް-ވައިޓްއަކީ މެންޗެސްޓަރ ސިޓީގެ ޝައުގުވެރިކަން ވެސް ލިބިފައިވާ ކުޅުންތެރިއެކެވެ.

Ad by Hajj Corporation

ގިބްސް-ވައިޓް ފޮރެސްޓާ ގުޅުނީ 2022 ވަނަ އަހަރު އޭނާ ހެދިބޮޑުވި ކްލަބް ވޯލްވްސްއިން 25 މިލިއަން ޕައުންޑަށެވެ. މި އަގު އިތުރު ބޯނަސްތަކާއެކު 42.5 މިލިއަން ޕައުންޑަށް އަރާފައިވެއެވެ. ގިބްސް ވައިޓް ފާއިތުވި ސީޒަނުގައި ޕްރިމިއަރ ލީގުގެ 34 މެޗުގައި ކުޅެ، 7 ލަނޑާއި 8 އެސިސްޓް ހަދާފައިވެއެވެ.

އަންނަ ސީޒަނުގެ ޗެންޕިއަންސް ލީގަށް ކޮލިފައިވެފައިވާ ޓޮޓްނަމްއިން ދަނީ ޓީމު ވަރުގަދަކުރުމުގެ މަސައްކަތް ކުރަމުންނެވެ. އެގޮތުން ވެސްޓް ހެމްގެ މުހައްމަދު ކުދޫސް 54.5 މިލިއަން ޕައުންޑަށް ގެނެސްފައިވާއިރު، ޖޭ ލީގު ކްލަބް ކަވަސަކި ފްރޮންޓާލޭގެ 20 އަހަރުގެ ޖަޕާނު ޑިފެންޑަރު ކޯޓާ ޓަކާއީ ވެސް ގެނެސްފައިވެއެވެ.