ލޯނު އެއްބަސްވުމެއްގެ ދަށުން ބަޔާން މިއުނިކަށް ބަދަލުވުމުގެ މުއާމަލާތް ދެފަރާތުން އެއްބަސްވެ، މެޑިކަލް ހެދުމަށް ޗެލްސީގެ ފޯވާޑް ނިކޮލަސް ޖެކްސަން މިއުނިކް އަށް ދާން އެއާޕޯޓުގައި ހުއްޓާ، އެޑީލް ފަހުވަގުތު ކެންސަލް ކޮށް ކުޅުންތެރިޔާ އެނބުރި ކުލަބަށް އައުމަށް ޗެލްސީއިން އެންގުމުންވެސް އެކަމާ، ދެކޮޅުހަދައި މިއުނިކްގައި މަޑުކޮށް، ބަޔާން އަށް ބަދަލުވުމުގެ މަސައްކަތް ޖެކްސަން ކާމިޔާބުކޮށްފިއެވެ.

އޭނާ ބަޔާނަށް ބަދަލުވެފައިވަނީ ފުރަތަމަ ލޯނު އެއްބަސްވުމެއްގެ ދަށުން ކަމަށްވާއިރު، ވަކި އަދަދެއްގެ މެޗުތަކެއްގައި ކުޅުމުން 56.2 މިލިއަން ޕައުންޑަށް ދާއިމީކޮށް ގަތުމަށް ބަޔާން އަށް މަޖުބޫރުވާނެއެވެ.

Ad by Hajj Corporation

Foshi thanmahchaa eku Munich gai enburi geyah annan engumaa eku Jackson bodaa haakan fashaifi | Mendhuru TvTikTokYouTubeInstagramXFacebook

މިސީޒަނުގެ ބާކީ އޮތް މުއްދަތަށް ޖެކްސަން ލޯނު އުސޫލުން ގެންދިއުމަށް ބަޔާން އިން ވަނީ 14.3 މިލިއަން ޕައުންޑް ދައްކަން އެއްބަސްވެފައެވެ.

2023 ވަނަ އަހަރު ވިލަރެއާލްއިން 32 މިލިއަން ޕައުންޑަށް ޗެލްސީއަށް ބަދަލުވި ޖެކްސަން ވަނީ 81 މެޗުގައި 30 ލަނޑު ޖަހާފައެވެ. ނަމަވެސް ފޯވާޑަކަށްވެހުރެ، މިދިޔަ ސީޒަނުގައި ދެ ފަހަރެއްގެ މަތިން ރަތް ކާޑު ލިބުމާއި، ކްލަބް ވޯލްޑް ކަޕްގައި ފްލަމެންގޯއާ ދެކޮޅަށް ކުޅުނު މެޗުގައި ބަދަލުކުޅުންތެރިއެއްގެ ގޮތުގައި ނިކުމެ ވަގުތުން ރަތް ކާޑު ހޯދުމާ ގުޅިގެން އޭނާއަށް ކޯޗް އެންޒޯ މަރެސްކާގެ އިތުބާރު ގެއްލުނު ކަމަށް ގިނަ ފަރާތްތަކުން ބުނެއެވެ.

ޗެންޕިއަންސް ލީގުގައި މި ސެޕްޓެމްބަރު 17 ވަނަ ދުވަހު މިއުނިކްގައި ކުޅުމަށް ހަމަޖެހިފައިވާ މެޗުގައި ޖެކްސަނަށް ޗެލްސީއާ ދެކޮޅަށް ކުޅެވޭނެއެވެ.