އެމެރިކާގެ ރައީސް ޑޮނަލްޑް ޓްރަމްޕް އެމެރިކާގައި "ސޮކަރ" ގެ ނަމުގައި މަޝްހޫރު ކުޅިވަރު "ފުޓްބޯޅަ" އަށް ބަދަލުކުރުމަށް އެގްޒެކެޓިވް އޯޑަރެއްގައި ސޮއިކުރެއްވުމަށް ވިސްނާވާކަން ހާމަކޮށްފިއެވެ.

މި ވާހަކަ ޓްރަމްޕް ދައްކަވާފައިވަނީ ނިއު ޖާރސީގައި ބޭއްވުނު ކްލަބް ވޯލްޑް ކަޕްގެ ފައިނަލު ޝަރަފުވެރިކުރުމަށްފަހު ނޫސްވެރިންނާއި ވާހަކަ ދައްކަމުންނެވެ. ނޫސްވެރިއަކު ސޮކާ ގެ ނަން ފުޓްބޯޅައަށް ބަދަލުކުރައްވާނެތޯ ސުވާލުކުރުމުން ޖަވާބުގައި"އަޅުގަނޑުމެންނަށް އެކަން ކުރެވިދާނެ،" މިހެން ޓްރަމްޕް ވަނީ ބުނެފައެވެ. ޓްރަމްޕް މިހެން ބުނެފައިވަނީ ޑީއޭޒެޑްއެން އަށް ދެއްވި އިންޓަވިއުއެއްގައެވެ.

2026 ވަނަ އަހަރުގެ ފީފާ ވޯލްޑް ކަޕް އެމެރިކާ، ކެނެޑާ އަދި މެކްސިކޯގައި ބޭއްވުމަށް ހަމަޖެހިފައިވާއިރު، މި މުބާރާތް ފެށުމަށް މިހާރުވަނީ 11 މަސްދުވަހަށްވެފައެވެ. އެމެރިކާއަކީ ކެނެޑާ، އޮސްޓްރޭލިއާ އަދި ދެކުނު އެފްރިކާއާއެކު މި ކުޅިވަރަށް "ސޮކަރ" ގެ ނަން ބޭނުންކުރާ މަދު ޤައުމުތަކުގެ ތެރެއިން އެއް ޤައުމެވެ.

މީގެ އިތުރުން ޓްރަމްޕު ބުނެފައިވަނީ އަދި އޭނާ ދެކޭގޮތުގައިތާރީޚުގައި އުފެދުނު އެންމެ މޮޅު ކުޅުންތެރިއަކީ ބްރެޒިލްގެ ޕެލޭއެވެ.
ޓްރަމްޕްވަނީ ޖޫންމަހުގެ 14 އިން ފެށިގެން އިއްޔެގެ ނިޔަލަށް އެމެރިކާގައި ކުރިޔަށްގެންދިޔަ ފީފާ ކުލަބް ވޯލްޑްކަޕްގެ ފައިނަލް މެޗު ޝަރަފުވެރިކޮށްދީ ޗެލްސީގެ ޓީމާއެކު އުފާފާޅުކުރުންތަކުގައި ބައިވެރިވެފައެވެ.