އިނގިރޭސި ވިލާތުގެ ނޭޝަނަލް ޓީމުގެ ކުޅުންތެރިޔާ ނޯނީ މަޑުއެކޭ ޗެލްސީއިން އާސެނަލްއަށް ބަދަލުވެ، 2030 ވަނަ އަހަރާ ހަމައަށް އެއްބަސްވުމުގައި ސޮއިކޮށްފިއެވެ.

52 މިލިއަން ޕައުންޑުގެ އަގުހުރި މި ޑީލްއަކީ މި އަހަރުގެ ސަމަރ ޓްރާންސްފަރ ވިންޑޯގައި އާސެނަލްއިން ކުރި އެންމެ ބޮޑު އިންވެސްޓްމަންޓްތަކުގެ ތެރެއިން އެކެވެ. މަޑުއެއެކޭ މިހާރުވަނީ މެޑިކަލް ޓެސްޓްތައް ފުރިހަމަކޮށް ނިމިފައެވެ.

Ad by Hajj Corporation

ޗެލްސީގެ ކްލަބް ވޯލްޑް ކަޕް ކެމްޕޭން މެދުތެރެއިން ޓީމު ދޫކޮށްލުމަށްފަހު، މަޑުއެކޭ ވަނީ އާސެނަލްއާއެކު އެއްބަސްވުން ފުރިހަމަކޮށްފައެވެ.

އާރސެނަލްއިން ޗެލްސީގެ މަޑުއެކޭގެ ސޮއި ހޯދުމަށް 50 މިލިއަން ޕައުންޑު ދައްކާނެކަމަށް ބެލެވެއެވެ. މިއާއެކު މިއީ ވޭތުވެ ދިޔަ 6 އަހަރުތެރޭގައި އާރސެނަލް އިން ސޮއިހޯދި ޗެލްސީގެ 7 ވަނަ ކުޅުންތެރިޔާއެވެ. ފާހަގަކޮށްލެވޭ އަނެއްކަމަކީ ވޭތުވެދިޔަ 6 އަހަރުތެރޭގައި އާރސެނަލް އިން ސޮއިކުރި ޗެލްސީގެ އެއްވެސް ކުޅުންތެރިއަކަށް އެކުލަބުގައި އެންމެ އެކަށޭނެ ކުޅުމެއް ދެއްކިފައި ނުވާކަމެވެ. އާރސެނަލް އިން މިފަހަކަށްއައިސް ސޮއިކުރި ޗެލްސީގެ ކުޅުންތެރިންގެ ތެރޭގައި ޑޭވިޑް ލުއިޒް، ވިލިއަމްސް، ޖޮޖީނިއޯ، ކައި ހަވާރޓްޒް، ރަހީމް ސްޓަރލިންގް، އަދި މިސީޒަނުގައި ސޮއިކުރި އަރިޒަބަލާގާ ހިމެނެއެވެ.

2023 ވަނަ އަހަރުގެ ޖެނުއަރީ މަހު ޕީއެސްވީ އައިންޑްހޯވަން އިން ޗެލްސީއަށް ބަދަލުވި މަޑުއެކޭ ވަނީ ޗެލްސީ އަށް 92 މެޗު ކުޅެ 20 ލަނޑު ޖަހާފައެވެ.