ރެއާލް މެޑްރިޑްގެ އެއްނަންބަރު ގޯލްކީޕަރު ތިބޯ ކޯޓުއާ އާއެކު އިތުރު އެއްބަސްވުމެއްގައި ސޮއިކޮށްފިކަމަށް ނޫސްވެރިޔާ ފެލިކްސް ޑިއާޒް ރިޕޯޓުކޮށްފިއެވެ. މި އެއްބަސްވުމާއެކު ބެލްޖިއަމްގެ ގޯލްކީޕަރު 2027 ވަނަ އަހަރާ ހަމައަށް ކްލަބުގައި ދެމިހުންނާނެއެވެ.

މީގެ ކުރިން 2026 ގައި މުއްދަތު ހަމަވާގޮތަށް އޮތް އެއްބަސްވުން އިތުރުކޮށްލުމާއެކު، މިއީ ރެއާލްގެ މެނޭޖްމަންޓްއަށް ލިބުނު އިތުރު ހިތްހަމަޖެހުމެކެވެ. މީގެ އިތުރުން ރެއާލްގެ ބަދަލު ކީޕަރުވެސް ރެއާލްގައި ދެމިހުރުމަށް ނިންމާފައިވާކަމަށް ރިޕޯޓްތައް ބުނެއެވެ.

ދުނިޔޭގެ އެންމެ މޮޅު ގޯލްކީޕަރުންގެ ތެރޭގައި ހިމެނޭ ކޯޓުއާ ވަނީ ރެއާލް މެޑްރިޑްގެ ފަހުގެ ކާމިޔާބީތަކުގައި އިސް ދައުރެއް އަދާކޮށްފައެވެ. މީގެ ތެރޭގައި 2022 އަދި 2024 ވަނަ އަހަރު ހޯދި ޗެމްޕިއަންސް ލީގުގައި ކޯޓުއާގެ ފަރާތުން ފެނުނު މޮޅުކުޅުން ފާހަގަކޮށްލެވެއެވެ.

33 އަހަރުގެ ކޯޓުއާ އަކީ އޭނާގެ ކުޅުމުގެ ފެންވަރާއި މެދު އެއްވެސް ސުވާލެއް އުފެދިފައިވާ ކުޅުންތެރިއެއް ނޫނެވެ. ނަމަވެސް ވޭތުވެދިޔަ މުއްދަތުގައި އޭނާއަށް ދިމާވި އަނިޔާތަކާއެކުވެސް، އެންމެ މަތީ ފެންވަރުގައި ކުޅުމުގެ ގާބިލުކަން ހުރިކަން އޭނާ ވަނީ ސާބިތުކޮށްދީފައެވެ.

ކޯޓުއާ އަކީ 2018 ވަނަ އަހަރު ޗެލްސީން ރެއާލް މެޑްރިޑަށް ބަދަލުވި ފަހުން، ކްލަބުގެ އެންމެ މުހިންމު އެއް ކުޅުންތެރިޔާއެވެ.