ސަހުޔޫނީން ޣައްޒާގެ މެދުތެރޭގައިވާ ދީރުލްބަލާހްގައި އޮޕަރޭޝަނެއް
22 ޖުލައި 2025 - 08:47
މުޅި ޣައްޒާ ބަނޑަށްޖެހިފައިވަނިކޮށް ސަހުޔޫނީން ޣައްޒާގެ މެދުތެރޭގައިވާ ދީރުލްބަލާހްގައި އޮޕަރޭޝަނެއް ފަށައިފިއެވެ.
ސަހުޔޫނީންގެ މީޑިއާތަކުން ބުނީ އޮޕަރޭޝަނުގެ މައިގަނޑު މަގުސަދަކީ އެ ސަރަހައްދުގައިވެސް ކޮރިޑޯއެއް ގާއިމުކުރުންކަމަށެވެ.
މިހާރުވެސް މިގޮތައް ސަހުޔޫނީންގެ ޗެކް ޕޮއިންޓްތައް ގާއިމުކޮށްފައިވާއިރު ޣައްޒާގެ ދެކުނާއި އުތުރު ބަންދުކޮށް ޖަހައިތިބި ޗެކް ޕޮއިންޓް މަޝްހޫރުވެފައިވަނީ ނެޓްޒަރިމް ކޮރިޑޯއަގެ ނަމުންނެވެ.
މި ކޮރިޑޯގެ ބޭނުމަނީ އުތުރު ޣައްޒާ އިޒްރާއިލްގެ ފުރިހަމަ ބާރުގެ ދަށުގައި ބާއްވާ, އުތުރު ޣައްޒާގެ ނަޞްލުނައްތާލުމެވެ. ކޮރިޑޯގެ ސަބަބުން އުތުރުން ދެކުނަށް, އަދި ދެކުނުން އުތުރަށް ޣައްޒާގެ ރައްޔިތން ދަތުރުކުރުމުގެ ހުއްދައެއް ނޯވެއެވެ.
އަލަށް ގާއިމުކުރާ ކޮރޮޑޯގެ ބޭނުމަކީ ޣައްޒާގެ މެދުތެރޭގައިވާ ދީރުލްބަލާހްއާއި އަލް-މަވާސީ ސަރަހައްދު ވަކިކުރުމެވެ.
މިގޮތަށް ވަކިކޮށްފިނަމަ އެ ރައްޔިތުންގެ ބަނޑުހައި ހޫނުކަން އިތުރަށް ބޮޑުވެ ރައްކާތެރިކަން ގެއްލިގެންދާނެއެވެ.
ޔަހޫދީން ޣައްޒާއަށް ދެމުންދާ ޢުދުވާނީ ޙަމަލާތަކުގައި މިހާތަނަށް 58،000މީހުން ޝަހީދުކޮށްލައިފައިވެއެވެ.
