ވެލާނާ އިންޓަރނޭޝަނަލް އެއަރޕޯޓް (ވީއައިއޭ)ގެ އާ ފަސެންޖަރު ޓަރމިނަލް ހުޅުވުމަށް 26 ޖުލައި 2025 ވަނަ ދުވަހު ބާއްވަން ހަމަޖެހިފައިވާ ރަސްމިއްޔާތުގެ އެންމެހާ ކަންކަން ސަލާމަތާއި ރައްކާތެރިކަމާއިއެކު ކުރިއަށް ގެންދިއުމަށްޓަކައި އެ ދުވަހު އެއަރޕޯޓުގެ ޓްރެފިކް ފްލޯއަށް ބަދަލުތަކެއް ގެންނަން ނިންމާފައިވާކަން މޯލްޑިވްސް އެއާޕޯޓު ކޮމްޕެނީ ލިމިޓެޑް- އެމްއޭސީއެލް އިން ހާމަކޮށްފިއެވެ.

26 ޖުލައި 2025ގެ ރޭގަނޑު 19:00 އިން ފެށިގެން 23:30 އަށް އެއަރޕޯޓަށް ވަދެ ނުކުތުމަށް ބަދަލުގެނެވިފައިވާގޮތް:

·  އެއަރޕޯޓަށް ވަންނަ މަގާއި އަދި ޓަރމިނަލް ސަރަހައްދަށް ވަދެވޭނީ ހަމައެކަނި ހުއްދަދެވިފައިވާ އުޅަނދުތަކަށެވެ.  

·  މި ވަގުތުތަކުގައި ޓެކްސީ އަދި އަމިއްލަ ފަރާތްތަކުގެ އުޅަނދުތަކަށް ޕޮލިސް ޕޯސްޓް އަދި އިރުމަތީ ފަރާތު ޕާކިން ސަރަހައްދަށް އާދެވޭނެއެވެ. އަދި ޓަރމިނަލް ސަރަހައްދަށް ދިއުމަށް އެމް.އޭ.ސީ.އެލްގެ އުޅަނދުތަށް ހަމަޖެހިފައިވާނެއެވެ.

· މި ބަދަލާއި އެކު، ފެރީ އަދި ބަހުގެ ހިދުމަތް މެދުކެނޑުމެއްނެތި މާލެ އާއި ހުޅުމާލެއިން ހުޅުލެއަށް ދާ ފަރާތްތަކަށް ލިބިގެންދާނެއެވެ.

އެމްއޭސީއެލްއިންވަނީ މިފަދަ ކޮންމެ ވަގުތެއްގައި އާންމުންގެ ފަރާތުން ލިބޭ އެއްބާރުލުން ފާހަގަކޮށް ޝުކުރުއަދާކޮށްފައެވެ.