ބާސެލޯނާގެ ކުރީގެ ކޯޗު އަދި ކްލަބުގެ ލެޖެންޑް ޒަވީ ހެނާންޑެޒް އިންޑިއާ ގައުމީ ޓީމުގެ ކޯޗުކަމަށް ކުރިމަތިލުމުން އޭނާގެ އެޕްލިކޭޝަން ބޭރުކޮށްލައިފިއެވެ.

އިންޑިއާ ފުޓްބޯޅަ އެސޯސިއޭޝަން (އޭއައިއެފްއެފް) ގެ ޓެކްނިކަލް ކޮމިޓީން މި މަގާމަށް އިއުލާނު ކުރުމުން 170 ފަރާތަކުން ކުރިމަތިލާފައިވެއެވެ. އޭގެ ތެރޭގައި 2021 އިން 2024 އަށް ބާސެލޯނާގެ ކޯޗުކަން ކުރި ޒަވީވެސް ހިމެނެއެވެ.

Ad by Hajj Corporation

ނަމަވެސް ޒަވީއަށް ފައިނަލް ޝޯޓްލިސްޓަށް ނުހޮވި، ޚާލިދު ޖަމީލް، ސްޓީފަން ކޮންސްޓަންޓައިން އަދި ސްޓެފަން ޓާކޮވިޗް ހިމެނޭ ތިން ކެންޑިޑޭޓުން ވަނީ ހޮވިފައެވެ.

އިންޑިއާއިން ޒަވީ ޝޯޓްލިޓުން ބޭރުކުރުމުގެ އެންމެ ބޮޑު ސަބަބަކީ އޭނާ ހުށަހަޅާފައިވާ މުސާރަ ބޮޑުކަމުންނެވެ. އޭއައިއެފްއެފް އިން ދެކެނީ ޒަވީ ފަދަ ތަޖުރިބާހުރި ކޯޗެއް، އިންޑިއާ ފަދަ ޤައުމެއްގެ ކޯޗަކަށް ކުރިމަތިލުމަކީ ވަރަށްވެސް ފަޚުރުވެރިވާކަމެއް ކަމުގައި ކަމަަށާއި، ނަމަވެސް އިންޑިއާއިން އެފަދަ ބޮޑު މުސާރައެއް ފުޓްބޯޅަ ކޯޗުންނަށް ދިނުމަށް އަދި ތައްޔާރުނޫންކަމުގައެވެ.

ޒަވީގެ ކޯޗިންގ ތަޖުރިބާގެ ގޮތުގައި 2019 އިން 2021 އަށް އަލް ސާދު އަދި ބާސެލޯނާގެ ކޯޗުކަން ކުރުން ފިޔަވައި އިތުރު ތަޖުރިބާއެއް ނެތެވެ. އަދި މިވަގުތު ޒަވީ ހުރީ ވަޒީފާއެއް ނެތި ހުސްކޮށެވެ.