ލަންކާއާ އެކުވެސް އެކި ދާއިރާތަކުން އެއްބަސްވުންތައް އެކުލަވާލާނެ
28 ޖުލައި 2025 - 06:06

ރާއްޖެއަށް ކުރައްވާ ދަތުރުފުޅުގެ ތެރެއިން، އެކި ދާއިރާތަކުން ގުޅިގެން މަސައްކަތް ކުރުމާއި ގުޅޭގޮތުން އެއްބަސްވުންތަކެއް އެކުލަވާލުމަށް ހަމަޖެހިފައިވާކަމަށް ށް ސްރީލަންކާގެ ރައީސް އަނުރަ ކުމާރަ ދިސާނަޔަކަ ވިދާޅުވެއްޖެއެވެ.
ރާއްޖެއަށް ވަޑައިގެން ސޯޝަލް މީޑިއާގައި ކުރެއްވި ޕޯސްޓެއްގައި ސްރީލަންކާގެ ރައީސްވަނީ ރާއްޖެއަށް ރަސްމީ ދަތުރުފުޅެއްގައި ވަޑައިގެންނެވިކަން ހާމަކުރައްވާފައެވެ. އަދި މިދަތުރުފުޅުގައި ރާއްޖެއާއި ލަންކާއާއި ދެމެދު އެކި ދާއިރާތަކުން މާނަހުރިގޮތެއްގައި ގުޅުން ބަދަހިކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއެކު މަޝްވަރާތައް ކުރައްވާނެކަމަށް ވިދާޅުވިއެވެ. ހަމައެއާއެކު އެކި ދާއިރާތަކުން ގުޅިގެން މަސައްކަތް ކުރުމާއި ގުޅޭގޮތުން އެއްބަސްވުންތަކެއް އެކުލަވާލުމަށް ހަމަޖެހިފައިވާކަންވެސް ސްރީލަންކާގެ ރައީސްވަނީ ހާމަކުރައްވާފައެވެ.
ލަންކާގެ ރައީސް ރާއްޖެއަށް ކުރައްވާ ދަތުރުފުޅުގެ ތެރެއިން

Ad by Hajj Corporation
ސްރީލަންކާގެ ރައީސްގެ މިދަތުރުފުޅު ދިމާވަނީ ރާއްޖެއާއި ސްރީލަންކާއާއި ދެމެދު ސިޔާސީ ގުޅުން ޤާއިމުކުރެވުނުތާ 60 އަހަރުފުރޭ މުނާސަބާއާއެވެ. ދިވެހިރާއްޖެއާއި ސްރީލަންކާއާ ދެމެދު ޚާރިޖީ ގުޅުން ގާއިމްކޮށްފައިވަނީ 26 ޖުލައި 1965 ގައެވެ.
ސްރީލަންކާގެ ރައީސް ރާއްޖެއަށް ވަޑައިގަތީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދަޢުވަތަކަށެވެ. މިއީ އެމަނިކުފާނު މިދިޔަ އަހަރު މަޤާމާއި ޙަވާލުވެވަޑައިގަތުމަށްފަހު ރާއްޖެއަށް ކުރައްވާ ފުރަތަމަ ފުރަމާނަ ދަތުރުފުޅެވެ.