ކުރިމިނަލް ކޯޓު ހިންގުން ހުޅުމާލޭ ޖަސްޓިސް ބިލްޑިންއަށް ބަދަލުކޮށްފި
31 ޖުލައި 2025 - 13:01

ކުރިމިނަލް ކޯޓު ހިންގުން ހުޅުމާލޭ ޖަސްޓިސް ބިލްޑިންއަށް ބަދަލުކޮށްފިއެވެ.
އެ ކޯޓުން ބުނީ މި މަހު 27 ވަނަ ދުވަހުން ފެށިގެން ކުރިމިނަލް ކޯޓުގެ ހުރިހާ މަސައްކަތެއް ކުރިއަށް ގެންދާނީ ހުޅުމާލޭ ފޭސް 1 ގައި ހުންނަ ޖަސްޓިސް ބިލްޑިން އެނެކްސް އިމާރާތުގައިކަމަށެވެ.

Ad by Hajj Corporation
ދިވެހިރާއްޖޭގެ ކޯޓުތަކަށް ދިމާވެފައި އޮތް ޖާގައިގެ ދަތިކަމަށް ޙައްލު ހޯއްދަވައިދެއްވުމަށް ކުރައްވަމުން ގެންދަވާ މަސައްކަތްތަކުގެ ތެރެއިން، ޖަސްޓިސް ބިލްޑިންގ އެނެކްސްގައި ޤާއިމުކުރި ކްރިމިނަލް ކޯޓާއި ޑްރަގް ކޯޓު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހުޅުއްވައިދެއްވީ މި މަހުގެ 27 ވަނަ ދުވަހުއެވެ.
ދިވެހިރާއްޖޭގެ ޖިނާއީ ޢަދުލުގެ ނިޒާމަށް މިއަދު ކުރިމަތިވެފައިވާ އެންމެ ބޮޑު އެއް ގޮންޖެހުމަކީ، މައްސަލައިގެ އަޑުއެހުންތައް ލަސްވެ، ޙުކުމަކާ ހަމައަށް ވާޞިލުނުވެ ދިގުލައިގެން ދިއުންކަމުގައި ވީ ހިނދު، ހުޅުމާލޭގައި ތަރައްޤީކުރި ޖަސްޓިސް ބިލްޑިންގ އެނެކްސްއަކީ ހުޅުމާލޭގައި ތަރައްޤީކުރަން ހަމަޖެހިފައިވާ ސުޕީރިއަރ ކޯޓު ކޮމްޕްލެކްސް އިމާރާތްކުރެވެންދެން ކޯޓުތަކުގެ ޖާގައިގެ ދަތިކަމަށް، މިވަގުތަށް ޙައްލު ހޯދައިދިނުމަށް ތައްޔާރުކުރެވުނު އިމާރާތެކެވެ. މި 2 ކޯޓު މީގެ ކުރިން ހިންގަމުން އައިސްފައިވަނީ މާލޭގައެވެ.