ނިއުކާސްލް ޔުނައިޓެޑްގެ ސްޓްރައިކަރު އަލެކްސަންޑަރ އިސާކް ސޮއިކުރުމަށް 140 މިލިއަން ޕައުންޑް ހުށަހަޅަން ލިވަޕޫލް ތައްޔާރަށް ހުރިކަމަށް ރިޕޯޓުތަކުން ހާމަވެއްޖެއެވެ.

ނިއުކާސްލްއިން މި ޑީލްއަށް ރުހޭނަމަ، ފުރަތަމަ ޕޭމަންޓެއްގެ ގޮތުގައި 60 މިލިއަން ޕައުންޑް ދައްކާގޮތަށް ހަމަޖެހިފައިވާއިރު، ކުޅުންތެރިޔާ އާއި ޓީމުގެ ކާމިޔާބީތަކަށް ބިނާކޮށް އިތުރު ފައިސާވެސް ދައްކާގޮތަށް އެޑް-އޮންސްތަކެއް ހުށަހަޅާފައިވެއެވެ. މި ޑީލްގެ ޖުމްލަ އަގު 140 މިލިއަން ޕައުންޑަށް އަރާނެކަމަށް ލަފާކުރެވެއެވެ. މީގެ ތެރެއިން 120 މިލިއަން ޕައުންޑަކީ ގެރެންޓީ ކުރެވިފައިވާ އަދަދެކެވެ.

އިސާކް ނިއުކާސްލްގެ ހުއްދައަކާ ނުލައި ސްޕެއިންގައި އަމިއްލައަށް ތަމްރީނު ކުރަމުންދާތީ، އޭނާ ގަތުމަށް ކުރެވޭ މަޝްވަރާތަކުގައި ލިވަޕޫލްގެ ހާލަތު ވަރުގަދަވެގެން ދާނެއެވެ. މީގެ އިތުރުން ލުއިސް ޑިއާޒް ބެޔަން މިއުނިކަށް 65 މިލިއަން ޕައުންޑަށް ވިއްކާލުމަށްފަހު ލިވަޕޫލްގެ މާލީ ހާލަތުވެސް ވަރަށް ރަނގަޅެވެ.

Isaac ge soi hoadhumah Liverpool in fiyavalhakahfahu fiyavalheh kuriyah | Mendhuru TvTikTokYouTubeInstagramXFacebook

ސްވީޑިޝް ސްޓްރައިކަރު އިސާކްއަކީ މި ސީޒަންގައި ޕްރިމިއަރ ލީގުގައި އެންމެ ފާހަގަކޮށްލެވޭ ކުޅުންތެރިންގެ ތެރެއިން އެކެކެވެ. ފާއިތުވި ސީޒަންގައި އޭނާ ވަނީ 23 ގޯލު ޕްރިމިއަރ ލީގުގައި ޖަހާފައެވެ.