ރާއްޖޭގައި ޓިކްޓޮކްގައި މަޝްހޫރުކަން ހޯދާފައިވާ މަރިޔަމް ސަމާ ޝަރީފަށް އަނިކުރުމަށްފަހު އޭނާގެ ފިރިމީހާ ފިލައިފިއެވެ.

ސަމާ ވަނީ ރޮމުން ޓިކްޓޮކް ލައިވްއެއްގައި މިވާހަކަ ކިޔައިދީފައެވެ. ސަމާގެ މިވާހަކަތައް މިހާރު ސޯޝަލްމީޑިއާގައި ވައިރަލްވެފައިވާއިރު، ސަމާ ރޮމުން ކިޔައިދޭ ގޮތުގައި އޭނާ އަށް ފިރިމީހާ އަނިޔާކޮށްފައި ވަނީ ދެ ކުދިންގެ ކުރިމަތީގައެވެ.

Ad by Hajj Corporation

އަނިޔާކުރުމަށްފަހު ފިރިމީހާ ފިލާފައިވާ ކަމަށާއި، ''ހުރިހާ ކޮންޓެކްސްއެއް ހުންނާނީ އޭނާ ހަލާކުކޮށްލި ފޯނުގައި'' ކަމަށް ސަމާ ވަނީ ބުނެފައެވެ.

ސަމާ ބުނިގޮތުގައި އޭނާ ފާޚާނާ އަށް ދާން އުޅުމުން ފިރިމީހާ ހުއްޓުވުމުން އިއަން (ދަރިއަކު) ''ލެޓް ހެރ ގޯ'' އޭ ބުނުމުން ވަނީ ސަމާ އަށް ހުރަސްއަޅައި އަނިޔާކުރަން ފަށާފައެވެ.

އެ ލައިވްގައި ވާހަކަދެއްކި މީހަކު ބުނީ އޭނާ އަށް ''ސަމާ ދަމާ ކޫއްތާފައި ގެންދާ އަޑު'' އިވުނުކަމަށާއި އެވަގުތު ބަޖާ (ސަމާގެ ފިރިމީހާ) ހުރީ ފުދޭވަރަކަށް މަސްތުވެފައިކަމަށް ހީވާ ކަމަށެވެ.

ސަމާގެ ފިރިމީހާ އަކީ މުހައްމަދު ހަސަން (ބަޖާ) އެވެ. ދާދިފަހުން ސަމާ ވަނީ ދިރިއުޅުން އަވަށްޓެރި ސްރީލަންކާއަށް ބަދަލުކޮށްފައެވެ. ފިރިމީހާ ސަމާ އަށް އަނިޔާކުރީ ލަންކާގައި ދިރިއުޅޭ ގޭގައި ކަމަށްވެއެވެ.

ސަމާ އަކީ ޓިކްޓޮކްގައި ރާއްޖޭގައި ވަރަށް ބޮޑު މަޝްހޫރުކަމެއް ހޯދާފައިވާ މީހެކެވެ. އަދި އޭނާ ވަނީ ބޮޑެތި ބަލިތަކުގެ މީހުންނަށް ބޭސްފަރުވާ ކުރުމަށް ޓިކްޓޮކް ލައިވްތަކުން ފައިސާގެ އެހީތައް ވެސް ހޯދައިދީފައެވެ.