ސްޓެގެން މެޑިކަލް ރިޕޯޓް ހިއްސާކުރަން ދެކޮޅުހެދުމާއެކު ބާސާގެ ކުޅުންތެރިން ރެޖިސްޓްރީ ކުރުމަށް އިތުރު ހުރަސްތަކެއް
5 އޯގަސްޓު 2025 - 06:59

ބާސެލޯނާގެ ގޯލްކީޕަރު މާކް-އެންޑްރޭ ޓަރ ސްޓެގެން އޭނާގެ ސަރޖަރީ ފަހުގެ މެޑިކަލް ރިޕޯޓު ލަ ލީގާގެ މެޑިކަލް ކޮމިޓީއާ ހިއްސާކުރުމަށް އިންކާރުކޮށްފިއެވެ. މިއީ ކުލަބުގެ މުސާރައިގެ ކެޕްގައި ޖާގަ ހޯދުމަށް ކުރަމުންދާ މަސައްކަތަށް ލިބުނު ބޮޑު ލޮޅުމެކެވެ.
މިދިޔަ ޖުލައި މަހު ބުރަކަށީގެ ސަރޖަރީއެއް ހެދި ޖަރުމަނު ގޯލްކީޕަރުގެ ރިކަވަރީއަށް ފަސް މަސް ނުވަތަ އެއަށްވުރެ ދިގު މުއްދަތެއް ނަގާނެކަމަށް ލަފާކުރެވެއެވެ. މި މުއްދަތުގައި އޭނާގެ މުސާރައިގެ 80 އިންސައްތަ ފެއަރ ޕްލޭ މާޖިންއަށް ބޭނުންކުރެވޭނެކަމަށް ކުލަބުން އުންމީދުކުރިއެވެ.

Ad by Hajj Corporation
"ޓަރ ސްޓެގެންގެ ހުއްދަ ނެތި، ބާސެލޯނާއަށް އޭނާގެ މުސާރައިގެ 80 އިންސައްތަ ފެއަރ ޕްލޭ މާޖިންއަށް ބޭނުމެއް ނުކުރެވޭނެ،" މުންދޯ ޑިޕޯޓިވޯއިން ބުންޏެވެ.
ކުލަބުގެ އިސް ވެރިންގެ ފަރާތުން މައްސަލަ ހައްލުކުރުމަށް މަސައްކަތްކުރި ނަމަވެސް، ޓަރ ސްޓެގެން ވަނީ އެކަމަށް އިންކާރުކޮށްފައެވެ.
Barca ge squad inUnikurumah Stegen shekolhuhdhumaaeku, Rashford aa Garcia registry kurumugai ithuru massalathakeh | Mendhuru TvTikTokYouTubeInstagramXFacebook
"ޕްރީ ސީޒަން ޓުއަރުން އެނބުރި އައުމުން ޓަރ ސްޓެގެންއާ ވާހަކަދައްކަން ބާސާއިން ރާވާފައިވޭ. އެހެންނަމަވެސް އޭނާ ވަރަށް ސާފުކޮށް ބުނެފައިވަނީ ސޮއިކުރަން ބޭނުން ނުވާކަމަށް،" ކުލަބުގެ އިސް ފަރާތަކުން ބުންޏެވެ.
މި މައްސަލައިގައި ކުލަބުގެ ޤާނޫނީ ޓީމުން ދަނީ ކަންކަން ދިރާސާކުރަމުންނެވެ. އަދި އޭނާއާ މެދު އިސްތިއުނާފީ ފިޔަވަޅުތަކެއް އެޅުމަށްވެސް ވިސްނަމުންދާކަމަށް ކުލަބުގެ އިސް ފަރާތްތަކުން މައުލޫމާތު ދެއެވެ. މީގެ ކުރިން މިފަދަ ހާލަތެއްގައި އެއްވެސް ކުޅުންތެރިއަކު މެޑިކަލް ރިޕޯޓު ހިއްސާކުރަން އިންކާރުކޮށްފައި ނުވާކަން ފާހަގަކުރެވެއެވެ.
ބާސާއިން މި ޓްރާންސްފަރގައި ސޮއިކުރި ކުޅުންތެރިންކަމަށްވާ ރަޝްފޯޑާއި ރޫނީ އާއި ޖޮއާން ގާސިއާ އަދި ކޮންޓްރެކް އައުކުރި ކީޕަރު ވޮއިޒެޚް ސްޓެންސްނޭ މިހާތަނަށް ރެޖިސްޓްރީ ކުރެވިފައިނުވާއިރު، ލަލީގާ ފެށެން މިހާރުވަނީ ދެހަފްތާއަށްވުރެ ކުޑަދުވަސްކޮޅަކަށްވެފައެވެ.