2025/26 ވަނަ އަހަރުގެ ސީޒަން ފެށުމުގެ ކުރިން، ރެއަލް މެޑްރިޑް އަދި ލާލީގާ ދެމެދުގެ ހިނގަމުންދާ ސިލްސިލާ ޑްރާމާ އަނެއްކާވެސް ފެށިއްޖެއެވެ. މިފަހަރު މި ހަމަނުޖެހުން އުފެދިފައިވަނީ އޮސާސޫނާއާ ދެކޮޅަށް ރެއާލް ކުޅެން ހަމަޖެހިފައިވާ ސީޒަންގެ ފުރަތަމަ މެޗު ފަސްކޮށްދިނުމަށް ރެއަލް މެޑްރިޑުން ހުށަހެޅި ހުށަހެޅުން ބާތިލުކުރުމާ ގުޅިގެންނެވެ.

ފީފާ ކުލަބް ވޯލްޑްކަޕާއި ދެކޮޅަށް ފާޅުގައި ވަކާލާތުކޮށް އެމުބާރާތް ހުއްޓުވާލާނެކަމަށް މީގެކުރިން ފާޅުގައި ލަލީގާގެ ރައީސް ޓެބާސް ވަނީ ބުނެފައެވެ. މައްސަލައިގެ ފެށިގެން އުޅެނީ މިދިޔަ މަހުގައި ނިމުނު މިމުބާރާތުގެ ސެމީފައިނަލާއި ހަމައަށް ދަތުުރުކުރި ރެއާލް މެޑްރިޑްގެ ޓީމަށް، ޕްރީސީޒަނުގައި ފަރުތަކުރުމަށް އެކަށީގެންވާ ދުވަސް ނުލިބުމެވެ. އެގޮތުން ލަލީގާގެ ގިނަ ކުލަބުތަކުން ފަރިތަކުރުން ފެށިތާ މިހާރު ދެހަފްތާވެފައިވާއިރު، ރެއާލް އިން ފަރިތަކުރުން ފެށީ އިއްޔެއެވެ. އެހެންކަމުން ސީޒަން ފެށުމުގެކުރިން އެހެން ކުލަބް ތަކަށް މަސްދުވަސް ލިބޭއިރު، ރެއާލް އަށް ޖުމްލަ ދެހަފްތާވެސް ނުލިބޭނެއެވެ. ލަލީގާ ފެށުމަށް ހަމަޖެހިފައިވަނީ މިމަހުގެ 15 ވަނަ ދުވަހުގައެވެ. އެހެންކަމުން ރެއާލް އިން އެދެނީ ޓީމުގެ ސީޒަން ހުޅުވާ މެޗު ފަސްކޮށްދިނުމަށެވެ.

Ad by Hajj Corporation

ރެއަލް މެޑްރިޑް ޓީވީން ނެރުނު ހޫނު އެޑިޓޯރިއަލްއެއްގައި ބުނެފައިވަނީ، ކްލަބް ވޯލްޑް ކަޕުން އެނބުރި އައުމަށްފަހު ކުޅުންތެރިންނަށް އެކަށީގެންވާ އަރާމު ލިބުމަށްޓަކައި އޯގަސްޓް 19 ގައި ބާއްވަން ހަމަޖެހިފައިވާ ބަރްނަބިއު މެޗު ފަސްކުރުމަށް ޖުލައި 9 ގައި ހުށަހެޅި ނަމަވެސް، މި ހުށަހެޅުމަށް ޖަވާބު ލިބުނީ 22 ދުވަސް ފަހުން ކަމަށެވެ. އަދި އެ ހުށަހެޅުން ވަނީ ބާތިލުކޮށްފައެވެ.

"މިއީ ހަމަހަމަކަމެއް ނޫން. މިއީ ބަދަލުހިފުމެއް،" ރެއަލް މެޑްރިޑުން ބުނެފައިވެއެވެ. އަދި މި ނިންމުމަކީ ލާލީގާގެ ރައީސް ހަވިއަރ ޓެބާސްގެ ނުފޫޒުން ނިންމާފައިވާ ނިންމުމެއް ކަމަށް ކްލަބުން ތުހުމަތުކޮށްފައިވެއެވެ.

Copa Del rey Final ge referee aa gulheygothun Reaol aa Laliga koalhenee | Mendhuru TvTikTokYouTubeInstagramXFacebook

މި މައްސަލައިގައި ރެއަލް މެޑްރިޑުން ވަނީ ނެޝަނަލް ސެކަންޑް އިންސްޓަންސް ކޮމިޓީއަށް އިސްތިއުނާފު ހުށަހަޅާފައެވެ. ނަމަވެސް މި ކޮމިޓީން ވެސް އިންސާފުވެރި ނިންމުމެއް ނިންމާނެކަމާމެދު ކްލަބުން ސުވާލު އުފައްދާފައިވެއެވެ.

"އޯގަސްޓް މަހު ގެއްލޭ ޕޮއިންޓެއްގެ އަގު މޭ މަހު ގެއްލޭ ޕޮއިންޓެއްގެ އަގާ އެއްވަރު،" ރެއަލް މެޑްރިޑުން ބުނެފައިވެއެވެ. އަދި މި ނިންމުމަކީ މުޅި ސީޒަންގެ ވާދަވެރިކަމަށް އަސަރުކުރާނެ ނިންމުމެއް ކަމަށް ކްލަބުން ދެކެއެވެ.

މީގެކުރިންވެސް މިދިޔަ ސީޒަނުގައި ރެފްރީންގެ ނިންމުމާއި ގުޅޭގޮތުން ރެއާލް އާއި ލަލީގާ އާއި ދެމެދު ހޫނު ބަހުސްތަކެއް ކުރިޔަށްގެންގޮސްފައިވެއެވެ.