ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވައިލެއްވުމަށްފަހު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި އެ މަނިކުފާނުގެ އަނބިކަނބަލުން ސާޖިދާ މުޙައްމަދު އަންގާރަ ދުވަހުގެ ރޭ ރާއްޖެ ވަޑައިގެންފިއެވެ.

ނުރަސްމީ ދަތުުރުފުޅެއްގައި ރައީސް ޑރ މުޢިއްޒު ސިންގަޕޫރަށް ވަޑައިގެންފައިވާއިރު އެމަނިކުފާނު ވަނީ ދާދި ފަހުން ރަސްމީ ދަތުރުފުޅެއްގައިވެސް ސިންގަޕޫރަށް ވަޑައިގެންފައެވެ.

Ad by Hajj Corporation

އެ ދަތުރުފުޅުގައި، ދެ ގައުމުގެ ދެމެދުގައި މިހާރަށްވުރެ ބޮޑަށް ގުޅުން ބަދަހިކުރެވިދާނެ އެކި ދާއިރާތަކުން މަޝްވަރާ ކުރައްވާފައި ވެއެވެ. އެގޮތުން ވިޔަފާރިއާއި، ބިނާވެށި ޕްލޭންކުރުމާއި، ގާބިލުކަން އިތުރުކުރުމާއި، ފަންނީ ހުނަރު ބަދަލުކުރުމާއި، ދޭދޭ ގުޅުންތައް ހަރުދަނާކުރުމާ ގުޅޭގޮތުން މަޝްވަރާ ކުރައްވާފައި ވެއެވެ.