logo
MPL

MPL

ޚަބަރު

ކުދިންގެ ތަރުބިއްޔަތުގެ ކުރީކޮޅު ކުރިމަތިވާ ހުރަަސްތައް ނައްތާލުމަށް މެޑަމް ސާޖިދާ ގޮވާލައްވައިފި

މުޙައްމަދު އަފްރާޙް
11 ފެބްރުއަރީ 2026 - 13:00
ކުދިންގެ ތަރުބިއްޔަތުގެ ކުރީކޮޅު ކުރިމަތިވާ ހުރަަސްތައް ނައްތާލުމަށް މެޑަމް ސާޖިދާ ގޮވާލައްވައިފި

ކުދިންގެ ތަރުބިއްޔަތުގެ ކުރީކޮޅު ކުރިމަތިވާ ހުރަަސްތައް ނައްތާލުމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ގޮވާލައްވައިފިއެވެ.

އެކަމަނާ މިފަދައިން ގޮވާލެއްވީ ބައިނަލްއަޤުވާމީ ފެންވަރުގައި މިއަދު ފާހަގަކުރަމުންދާ އިންޓަރނޭޝަނަލް ޑޭ އޮފް ވިމެން އެންޑް ގަރލްސް އިން ސައިންސް ނުވަތަ ސައިންސްގެ ދާއިރާގައި ހަރަކާތްތެރިވާ އަންހެނުންނާއި އަންހެން ކުދީންގެ ދުވަހުގެ މުނާސަބަތުގައި ފޮނުއްވި ޚާއްޞަ މެސެޖުގައެވެ.

Ad by Hajj Corporation

Ad by Hajj Corporation

އެކްސްގައި ހިއްސާކުރެއްވި މެސެޖުގައި، ސައިންސްގެ ދާއިރާއިން އަންހެނުން ކުރިއަށްދިއުމަށްޓަކައި މުޖުތަމަޢުގެ ތެރެއިން ބޭނުންވާ މުހިންމު ބަދަލުތަކުގެ މައްޗަށް އަލިއަޅުއްވާލެއްވިއެވެ. އަދި ސައިންސްގެ ރޮނގުން އަންހެން ކުދިންގެ ކިބައިގައި ހުންނަ ހުނަރާއި ޤާބިލުކަން އެހެން ކުދިންނާ އެއްވަރުކަން ނުވަތަ އެއަށްވުރެ އިތުރުކަން ދިރާސާތަކުން ކަށަވަރުވާކަން ފާހަގަކުރެއްވިއެވެ.

މީގެއިތުރުން ގޭތެރެއާއި ކިޔަވައިދޭ މާޙައުލުތަކުގައި ޒަމާނުއްސުރެ ޤަބޫލުކުރެވިފައިވާ ވިސްނުންތަކުގެ ސަބަބުން އެކުދިން ކުރިއަށްދިއުމަށް އަދިވެސް ހުރަސްތަކެއް ކުރިމަތިވަމުންދާކަން އެކަމަނާ ފާހަގަކުރެއްވިއެވެ. އެހެންކަމުން، ކުދިންގެ ތަރުބިއްޔަތުގެ ކުރީކޮޅު ކުރިމަތިވާ މިފަދަ ހުރަސްތައް ނައްތާލުމަށް އެންމެން ގުޅިގެން މަސައްކަތްކުރުމަށް އަޒުމް ކަނޑައެޅުމަށް އެކަމަނާ ގޮވާލެއްވިއެވެ.

ހަމަމިއާއެކު ކޮންމެ އަންހެން ކުއްޖެއްގެ ކިބައިގައިވާ ފުރިހަމަ ޤާބިލުކަން ދެނެގަނެ، އެކަން ފާހަގަކޮށް، އެކުދިންނަށް ފުރިހަމަ ފުރުޞަތު ހޯދައިދިނުމަށްޓަކައި ބެލެނިވެރިންނާއި، މުދައްރިސުން އަދި މުޅި މުޖުތަމަޢުގެ ފުރިހަމަ އެއްބާރުލުމާއި އެހީތެރިކަން ބޭނުންވާކަމަށް އެކަމަނާ ވިދާޅުވިއެވެ.

ކޮންމެ އަހަރެއްގެ ފެބުރުވަރީ މަހުގެ 11 ވަނަ ދުވަހު ފާހަގަކުރާ، ސައިންސްގެ ދާއިރާގައި ހަރަކާތްތެރިވާ އަންހެނުންނާއި އަންހެން ކުދިންގެ ބައިނަލްއަގުވާމީ ދުވަހަކީ، ސައިންސް، ޓެކްނޮލޮޖީ، އިންޖިނިއަރިން އަދި މެތަމެޓިކްސް (ސްޓެމް) ގެ ދާއިރާތަކުގައި އަންހެނުންނާއި އަންހެން ކުދީންގެ ފުރިހަމަ އަދި ހަމަހަމަ ބައިވެރިވުން ކަށަވަރުކުރުމަށް ބާރުއެޅުމުގެ ގޮތުން އދ. ގެ އާންމު މަޖިލީހުން ކަނޑައަޅުއްވާފައިވާ ޚާއްޞަ ދުވަހެކެވެ.

Ad by Hajj Corporation

Ad by Hajj Corporation

ކޮމެންޓް

ގުޅުންހުރި ލިޔުންތައް

މިއަހަރުގެ ވިމެންސް ލީގް ނިއު ރޭޑިއަންޓުން ވަރުގަދަކޮށް ފަށައިފިކުޅިވަރު | 3 ގަޑިއިރު ކުރިންޒީރޯ ވޭސްޓް މިއުޒިއަމް ބައްލަވާލައްވައި، މެޑަމް ސާޖިދާ 'ވިޝް ވޯލް' ގައި މެސެޖެއް ދެއްވައިފިޚަބަރު | 6 ދުވަސް ކުރިން''އުކާލާ ކުނި ގެއްލެނީއެއް ނޫން''، ފަސްޓް ލޭޑީ ދެއްވީ ދުނިޔެ ސިއްސުވާލި ވަރުގަދަ އިންޒާރެއްޚަބަރު | 8 ދުވަސް ކުރިންމިއަހަރުގެ ރިވެލި އެވޯޑު 8 ފަރާތަކަށް، އެވޯޑު ހަވާލުކޮށްދެއްވީ މެޑަމް ސާޖިދާޚަބަރު | 11 ދުވަސް ކުރިން