ކުޅުދުއްފުށީ ސިޓީގައި ގެއްލިގެން ހޯދަމުން ދިޔަ މީހަކު ނިޔާވެފައި އޮއްވައި ފެނިއްޖެއެވެ.

ފުލުހުން ބުނީ, މިއަދު ފަތިހު 5:00 އެހާކަން ހާއިރު ދުވަން ނިކުތް ހދ. ކުޅުދުއްފުށި، ޖިފުޑި، އުމުރުން 67 އަހަރުގެ ހަސަން މޫސާ ގެއްލިގެން ހޯދަމުން ދަނިކޮށް އެ ރަށު ޒޯން ސްޓޭޑިއަމްގެ ފާހާނާ ތެރޭގައި ވެއްޓިފައި އޮއްވައި ފެނިފައިވާ ކަމަށެވެ.

Ad by Hajj Corporation

ކުޅުދުއްފުށި ޒޯން ސްޓޭޑިއަމް ފާހާނާ ތެރޭގައި ވެއްޓިފައި އޮއްވައި ފެނުމުން ކުޅުދުއްފުށި ހޮސްޕިޓަލަށް ގެންދިޔަ ކަމަށާއި ހޮސްޕިޓަލަށް ގެންދިޔައިރު ވެސް އޭނާ ނިޔާވެފައިވާކަމަށް ހޮސްޕިޓަލާ ހަވާލާދީ ފުލުހުން ވަނީ ބުނެފައެެވެ.

ފުލުހުން ބުނީ އޭނާގެ މަރުގެ މައްސަލަ ތަހުގީގު ކުރަމުންދާ ކަމަށެވެ.