މުޅި ހުޅުމާލެއަށް ކަރަންޓު ފޯރުކޮށްދެއްވިފައިވާ ކަމަށް ސްޓެލްކޯ އިން ބުނެފިއެވެ.

ސްޓެލްކޯ އިން ބުނީ، މުޅި ހުޅުމާލެއަށް ކަރަންޓު ދެވި، މާލޭގެ ގިނަ ސަރަޙައްދުތަކަށް މިހާރު ކަރަންޓު އަލުން ފޯރުކޮށްދެވިފައިވާއިރު، ބާކީ ހުރި ސަރަޙައްދުތަކަށް ކަރަންޓު ފޯރުކޮށްދިނުމަށްޓަކައި ގްރޭޓާ މާލެ އިންޓަކަނެކްޝަން ގްރިޑް އެނަޖައިޒްކޮށް ސިންކްރޮނައިޒް ކުރުމުގެ އެންމެ ފަހުގެ މަސައްކަތްތައް ކުރެވޭ ކަމަށެވެ.

Ad by Hajj Corporation

އަދި ގާތްގަނޑަކަށް 40 މިނިޓުގެ ތެރޭގައި ކަރަންޓު ދިނުމުގެ ހުރިހާ މަސައްކަތެއް ނިންމާލެވި، މުޅި މާލެ އަށް ކަރަންޓު ފޯރުކޮށްދެވޭނެ ކަމަަށް ވެސް ސްޓެލްކޯ އިން ބުންޏެވެ.

މާލެ އަދި ހުޅުމާލެ އިން ކަރަންޓު ގޮސްފައިވަނީ މިއަދުގެ ހެނދުނު ގާތްގަޑަކަށް ނުވައެއް ޖެހިއިރުއެވެ. މިއީ މި ފަހުގެ ތާރީޚުގައި މުޅި ހުޅުމާލެ އަދި މާލެއިން ކަރަންޓު ދިޔަ ދެވަނަ ފަހަރުކަން ފާހަގަކުރެވެއެވެ.

އެހެން ނަމަވެސް ގާތްގަޑަކަށް ގަޑިއިރެއްގެ ތެރޭގައި މާލެ އަދި ހުޅުމާލޭގެ ބޮޑު ސަރަޙައްދަކަށް ސްޓެލްކޯގެ ޓީމުން ވަނީ ކަރަންޓު އިއާދަކޮށްދީފައެވެ.