ލ. ކައްދޫ އެއަރޕޯޓް ކައިރިން ހިނގި އެކްސިޑެންޓާއި ގުޅިގެން ހައްޔަރުކުރި މީހާ 15 ދުވަހަށް ބަންދުކުރުމަށް ކޯޓުން އަމުރުކޮށްފިއެވެ.

ހުކުރު ދުވަހުގެ ރޭ ހިނގި އެކްސިޑެންޓުގައި މަގު ހުރަސްކުރަން އުޅުނު 64 އަހަރުގެ އަންހެނަކު ނިޔާވެފައިވާއިރު، މިމައްސަލައާ ގުޅިގެން ހައްޔަރުކޮށްފައިވަނީ ލ. ފޮނަދޫ، ހޯރަ ވިލާ މުޙައްމަދު ނައުސާން (37އ)އެވެ.

މި އެކްސިޑެންޓް ހިނގަން މެދުވެރިވީ ލ. ފޮނަދޫން ގަމަށް ދަތުރުކުރި ސައިކަލެއް ކައްދޫ އެއަރޕޯޓަށްދާ މަގު ހުރަސް ކުރި ދެ މީހެއްގެ ގައިގައި ޖެހިގެން ކަމަށް ފުލުހުންވަނީ މަޢުލޫމާތުދެއްވާފައެވެ.

މި އެކްސިޑެންޓުގައި ޒިބްރާ ކްރޮސްއިން މަގު ހުރަސް ކުރި ދެ މީހުންނާއި ސައިކަލުގައި ތިބި ދެ މީހުންނަށްވެސް އަނިޔާވެފައިވާކަމަށް ފުލުހުންވަނީ ވިދާޅުވެފައެވެ.

Ad by Hajj Corporation

މި ހާދިސާގައި ނިޔާވެފައިވަނީ ލ. މާވަށު، އެތުމާ، މަރްޔަމް މޫސާ،(64) އެވެ.