ޖޮއާއޯ ޕެޑްރޯގެ މޮޅުކުޅުމާއެކު ޗެލްސީއަށް ސީޒަނުގެ ފުރަތަމަ މޮޅު ލިބިއްޖެ
23 އޯގަސްޓު 2025 - 07:18

ޕްރިމިއަރ ލީގުގެ މި ސީޒަނުގެ ފުރަތަމަ މޮޅު ޗެލްސީ އަށް ހޯދައިދިނުމުގައި މި ޓްރާންސްފާގައި އަލަށް ޗެލްސީއާއި ގުޅުނު ޖޮއާއޯ ޕެޑްރޯ އާއި އެސްޓެވާއޯ މުހިންމު ދައުރެއް އަދާކޮށްފި އެވެ. ލަންޑަންގެ ވާދަވެރި ދެ ޓީމު ކުޅުނު މި މެޗުން ޗެލްސީ އިން ވެސްޓްހެމގެ މައްަޗަށް ކުރިހޯދީ 5-1 ގެ ބޮޑު ތަފާތަކުންނެވެ.
މެޗުގެ ވޯމްއަޕްގައި ޗެލްސީގެ ތަރި ކޯލް ޕާމަރ އަށް އަނިޔާވުމާ ގުޅިގެން އޭނާގެ ބަދަލުގައި ބްރެޒިލްގެ ޒުޥާން ތަރި އެސްޓެވާއޯ ކުޅެން ފެށި ނަމަވެސް، މެޗު ފެށިގެން ކުރިއަށްދިޔަ ގޮތުން ޕާމާ ނެތްތަން ފޫބެއްދުމުގައި މާބޮޑު މައްސަލަތަކެއް ދިމާވެފައެއް ނުވެއެވެ. މެޗުގެ ހަވަނަ މިނެޓުގައި ވެސްޓްހެމްގެ ލޫކަސް ޕަކެޓާ ވަރުގަދަ ވަރުގަދަ ޝޮޓަކުން ވެސްޓްހޭމް ފުރަތަމަ ލީޑު ނެގި ނަމަވެސް، އޭގެ ފަހުން މެޗު ވަނީ އަނބުރާލާފައެވެ.

Ad by Hajj Corporation
15 ވަނަ މިނެޓުގައި ލިބުނު ކޯނަރަކުން ޖޮއާއޯ ޕެޑްރޯ ވަނީ މެޗު އެއްވަރުކޮށްފައެވެ. އޭގެ ފަހުން 23 ވަނަ މިނެޓުގައި ޖޮއާއޯ ޕެޑްރޯ ހުރަހަކުން ފުރިހަމަ ހުރަހަކުން ނެޓޯ ވަނީ ޗެލްސީ އަށް ފުރަތަމަ ފަހަރަށް ލީޑުނަގާދީފައެވެ.
34 ވަނަ މިނެޓުގައި އެންޒޯ ފެނާންޑޭޒް ގޯލުޖަހާފައިވާއިރު، ދެވަނަ ހާފު ފެށިގެން ކައިރި ކައިރީގައި 54 އަދި 58 ވަނަ މިނެޓުގައި ކައިސެއިޑޯ އަދި ޗަލޯބާ ވަނީ ގޯލުޖަހައިދީފައެވެ.
މި މޮޅާ އެކު ޗެލްސީ އަށް މި ސީޒަނުގެ ފުރަތަމަ މޮޅު ލިބުނު އިރު، ވެސްޓްހެމް ވަނީ ޕޮއިންޓު ތާވަލުގެ އެންމެ ފުލަށް ޖެހިފަ އެވެ.