ބ. ދަރަވަންދޫ ސިއްހީ މަރުކަޒުގައި ޑަޔަލިސިސްގެ ޚިދުމަތް ރަސްމީކޮށް ފަށައިފިއެވެ.

މި ޚިދުމަތް ރަސްމީކޮށް ފައްޓަވައިދެއްވީ ހެލްތް މިނިސްޓަރު އަބްދުﷲ ނާޒިމް އިބްރާހީމްއެވެ.

Ad by Hajj Corporation

ޑަޔަލިސިސްއަކީ ކިޑްނީ ބަލި ތަހައްމަލް ކުރަމުންދާ މީހުންގެ ތެރެއިން، ކިޑްނީ މަސައްކަތްކުރުން ވަކި ވަރަކަށްވުރެ ދަށްވުމުން، ކޮންމެ ހަފްތާއަކު ދޭއް ނުވަތަ ތިން ދުވަހު، ހަށިގަނޑުގައި ލޭ ސާފުކުރުމަށް ހަތަރު ގަޑިއިރަށް ދޭ ފަރުވާއެކެވެ.

ދަރަވަންދޫ ސިއްހީ މަރުކަޒުގައި މި ޚިދުމަތް ފަށާފައިވަނީ ދެ އެނދުގެ ޔުނިޓަކާއެކުގައެވެ. އަދި މި ޚިދުމަތާއެކު އެތެރެހަށީގެ ޚާއްސަ ޑޮކްޓަރެއްވެސް މިހާރު ދަރަވަންދޫ ޞިއްޙީ މަރުކަޒުގައި ހުންނަވާނެކަމަށް އެ މިނިސްޓްރީން ބުނެފައިވެއެވެ.

ދަރަވަންދޫގައި މި ޚިދުމަތް ފެށުމާއެކު، މިހާރު ރާއްޖޭގައި ޑަޔަލިސިސްގެ ޚިދުމަތް ނުފެށި އޮތީ އދ. އަތޮޅާއި، ވ. އަތޮޅާއި، ފ. އަތޮޅުގެ އިތުރުން ދ. އަތޮޅުގައި އެކަންޏެވެ.

ރާއްޖޭގެ އެކި ރަށްރަށުގައި ދިރިއުޅޭ ރައްޔިތުންނަށް ޑަޔަލިސިސްގެ ޚިދުމަތް ހޯދުމަށް މާލެއަށް ދަތުރުކުރަންޖެހޭ އުނދަގޫ ނައްތާލުމަށް މި ސަރުކާރުން އަންނަނީ މަސައްކަތްތަކެއް ކުރަމުންނެވެ.