ފާއިތުވި 24 ގަޑިއިރު: އިޒްރޭލުގެ ޙަމަލާތަކުގައި ގިނަ އަދަދެއްގެ ޝަހީދުން، 8 ކުއްޖަކު ބަނޑަށް މަރުވެއްޖެ
.jpg&w=96&q=75)
25 އޯގަސްޓު 2025 - 07:42

ނިރުބަވެރި ޔަހޫދީ ދައުލަތް، އިޒްރޭލުން ޣައްޒާއަށް ދޭ ހަމަލާތަކުގައި ވޭތުވެދިޔަ 24 ގަޑިއިރު ތެރޭގައި މަދުވެގެން 51 ފަލަސްތީނު ރައްޔިތުން ޝަހީދުވެ، 8 ކުއްޖަކު ބަނޑަށް މަރުވެފައިވާ ކަމަށް ބޭރުގެ ނޫސްތަކުން ރިޕޯޓުކޮށްފިއެވެ.
ޣައްޒާގެ ޞިއްޙީ ވަސީލަތްތަކާ ހަވާލާދީ ބޭރުގެ ނޫސްތަކުގެ ރިޕޯޓުތަކުން ބުނާ ގޮތުން، ޝަހީދުވި މީހުންގެ ތެރޭގައި ޣައްޒާ ސިޓީގެ 27 މީހަކު ހިމެނޭއިރު، އޭގެ ތެރެއިން 24 މީހުން ޝަހީދުވެފައިވަނީ އިންސާނީ އެހީ ހޯދުމަށް މަސައްކަތް ކުރަމުންދަނިކޮށެވެ. އަދި އޭގެ ތެރޭގައި 16 ކުޑަކުދިން ހިމެނޭ ކަމަށް އަލްޖަޒީރާއިން ރިޕޯޓުކޮށްފައިވެއެވެ.

Ad by Hajj Corporation
އަދި ނިރުބަވެރިން ޣައްޒާއަށް އަޅާފައިވާ ދަތިކުރުމުގެ ފިޔަވަޅުތަކުގެ ސަބަބުން ކާބޯތަކެތި ނުލިބި އިތުރު 8 ކުއްޖަކު ބަނޑަށް މަރުވެފައިވާއިރު، އެ ސަރަހައްދުގައި ކުރިމަތިވެފައިވާ އިންސާނީ ހާލަތު އިތުރަށް ގޯސްވަމުންދާކަމަށް ބޭރުގެ ނޫސްތަކުން ރިޕޯޓުކުރެއެވެ.
ކަންމިހެން އޮތް އިރު، މެދުއިރުމަތީގައި ފުރަތަމަ ފަހަރަށް، ޣައްޒާގައި ބަނޑުހައިހޫނުކަމުގެ ހާލަތެއް ކުރިމަތިވެފައިވާ ކަމަށް އދ. އިން ވަނީ ރަސްމީކޮށް އިއުލާނުކޮށްފައެވެ.
އެގޮތުން އދ. އާ ގުޅިފައިވާ އިންޓެގްރޭޓެޑް ފުޑް ސެކިއުރިޓީ ފޭސް ކްލެސިފިކޭޝަންގެ މަޢުލޫމާތު ދައްކާ ގޮތުގައި 514،000 އަށްވުރެ ގިނަ މީހުން ނުރައްކާތެރި ބަނޑުހައިހޫނުކަމުގެ ހާލަތެއްގައިވާއިރު، ކުރިއަށް އޮތް ހަފްތާތަކުގައި މި އަދަދު އިތުރުވާނެ ކަމަށް އ.ދ އިން ވަނީ ލަފާކޮށްފައެވެ.