logo
ޚަބަރު

މަޖިލީހުގެ ތަޅުމުގައި ފަލާހް ދެއްކެވި ވާހަކަ: ތަހްގީގްކުރަން ޕީޖީގެ ލަފާ ހޯދަނީ، ''މީހަކު މަރަން ބުނަފައެއް ނޯންނާނެ''

މުހައްމަދު މޫސާމުހައްމަދު މޫސާ
30 އޯގަސްޓު 2025 - 03:25
ފަލާހް ދެއްކެވި ވާހަކަ: ތަހްގީގްކުރަން ޕީޖީގެ ލަފާ ހޯދަނީ، ''މީހަކު މަރަން ބުނަފައެއް ނޯންނާނެ''

ޕީޕަލްސް ނެޝަނަލް ކޮންގްރެސް (ޕީއެންސީ)ގެ ޕާލަމެންޓަރީ ގްރޫޕްގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހީމް ފަލާހް، ރައްޔިތުންގެ މަޖިލީހުގެ ތަޅުމުގައި ނޫސްވެރިންނާއި ގުޅުވައިގެން ދެއްކެވި ވާހަކައަކާއި ގުޅިގެން ހުށަހަޅާފައިވާ މައްސަލަ ތަހްގީގްކުރުމާ މެދު ޕްރޮސެކިއުޓަރ ޖެނެރަލް (ޕީޖީ)ގެ ލަފައަކަށް އެދިފައިވާކަމަށް ދިވެހި ފުލުހުންގެ ޚިދުމަތުން ހުކުރު ދުވަހުގެ ރޭ ބުނެފިއެވެ.

މި މައްސަލަ ފުލުހުންނަށް ހުށަހަޅާފައިވަނީ މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ)ގެ ފަރާތުންނެވެ.

Ad by Hajj Corporation

Ad by Hajj Corporation

ފަލާހު ނޫސްވެރިންނާއި ގުޅުވައިގެން މިވާހަކަ ދެއްކެވީ މީޑިއާ ރެގިއުލޭޓް ކުރުމަށް، ތުޅާދޫ ދާއިރާގެ މިނިވަން މެންބަރު އަބްދުލްހަންނާނު އަބޫބަކުރު ރައްޔިތުންގެ މަޖިލީހަށް ހުށަހަޅުއްވާފައިވާ ބިލުގެ ބަހުސްގައި، 2025 އޯގަސްޓް 27 ގައެވެ. އެ ދުވަހު ފަލާހް ދެއްކެވި ވާހަކާގައި ވިދާޅުވެފައިވަނީ، އޭނާ އަކީ މީޑިއާގައި މަސައްކަތް ކުރާ ބޭފުޅުން ނުހައްގުން ލިޔާ އެކިއެކި މަޖައްލާތަކުގެ ސަބަބުން ވަރަށް ނިކަމެތިކަމެއް ދިމާވެފައި ހުރި މީހެއް ކަމަށެވެ. މިގޮތުން އޭނާ އަކީ އެއް ޖިންސުން ގުޅުން ހިންގާ މީހަކަށް ހަދާފައި ހުރި މީހެއް ކަމަށާއި، އެވާހަކަ ދަންނަވަނީ ވަރަށް އަސަރާއެކުގައި ކަމަށް އޭނާ އެދުވަހު ވިދާޅުވިއެވެ.

"އަޅުގަނޑާ ވައްތަރު މީހެއްގެ ފޮޓޯ ޖަހައިގެން، އަޅުގަނޑަކީ އެއް ޖިންސުން [ގުޅުން ހިންގާ މީހަކަށް ހަދައިގެން]. އަޅުގަނޑުގެ ތިބޭ އަނބިދަރިން ވެސް. ބޮޑެތި ވެފައި ތިބި ދަރިން އެބަ ތިބި. ކުޑަ ދަރިން އެބަ ތިބި، މި ލެވެލްގައި މަސައްކަތް ކުރީމަ މީޑިއާތައް ގެންގޮސް ޖަލަކަށް ނޫން، އުލުބައިންދަންވީ. އުލު، ސީދާ ބައިންދަންވީ. އެގޮތަށް މަސައްކަތް ކުރާ ބޭފުޅުން." ފަލާހް ވިދާޅުވެފަވެއެވެ.

ފަލާހްގެ ވާހަކާގައި ބޭނުންކުރެއްވި ''އުލުބައިންދަންވީ'' އިބާރާތާއި ގުޅިގެން ފަލާހްގެ މައްސަލަ ތަހުގީގުކޮށް، ފިޔަވަޅު އަޅައިދޭން އެދިފައިވާކަން ހާމަކޮށް އެމްޖޭއޭއިން ނެރުނު ބަޔާނެއްގައި ބުނީ އިސްލާމްދީނުގެ މައިގަނޑު އަސާސްތަކުގެ ތެރޭގައި އެއްވެސް މީހަކަށް އަނިޔާވެރިނުވުން ހިމެނޭއިރު، ފަލާހް ދެއްކެވި ވާހަކައަކީ އިސްލާމްދީނުގެ އަސްލަކާ ހިލާފު ވާހަކައެއް ކަމަށެވެ.

އެމްޖޭއޭއިން ހުށަހަޅާފައިވާ މި މައްސަލައާއި ގުޅިގެން ޕީޖީގެ ގާނޫނީ ލަފަޔަކަށް އެދިފައިވާކަމަށް ފުލުހުން ބުނީ ހުކުރު ދުވަހުގެ ރޭ މީޑިއާތަކަށް ފޮނުއްވި މެސެޖެއްގައެވެ.

''ރައްޔިތުންގެ މަޖިލީހުގެ މެންބަރަކު މަޖިލީހުގެ ތަޅުމުގައި ދައްކާފައިވާ ވާހަކައަކާ ގުޅިގެން މޯލްޑިވްސް ޖާނަލިސްޓްސް އެސޯސިއޭޝަނުން ހުށަހަޅާފައިވާ މައްސަލައެއް ތަހުގީގު ކުރުމާމެދު ގާނޫނީ ލަފައަކަށް އެދި، ދިވެހި ފުލުހުންގެ ޚިދުމަތުން 2025 އޮގަސްޓު 28 ވަނަ ދުވަހު، ޕްރޮސެކިއުޓަރ ޖެނެރަލްގެ އޮފީހަށް ވާނީ ހުށަހަޅާފައި.'' ފުލުހުން ބުނެފަވެއެވެ.

ފަލާހު ދެއްކެވި ވާހަކަ ތަހުގީގު ކުރަން އެމްޖޭއޭއިން ހުށަހެޅި މައްސަލަ ތަހުގީގުކުރުމާ ގުޅޭގޮތުން ޕީޖީގެ ލަފަޔެއް ހޯދުމުގެ ޚަބަރާ ގުޅުވައި އޭނާ އެކްސްގައި ކުރެއްވި ޕޯސްޓެއްގައި ވިދާޅުވީ، އެއީ ވަރަށް ރަނގަޅުނިންމެވުމެށް ކަމަށެވެ.

''އަޅުގަނޑު ޖަލުގައުޅޭ ނަމަ އެތާގެ ރަހްމައިތްތެރިންނަށްވާނީ އެމްޑީޕީގެ ވެރިކަންކުރި ރައީސުންނާ އެމްޑީޕީގެ ގިނައަދަދެއްގެ މަޖިލީސްމެމްބަރުން އަދި އެއްމެގިނަވާނީ ނޫސްވެރިން! ސަބަބަކީ މިއަށްވުރެގިނައިން އިސްލާމްދީނުގެ އަސްލުތަކާޚިލާފުވެ އެފަދަވާހަކަތަށް ދައްކާފައިވާބައެއް މި ޤައުމުގަނޫޅޭނެ! އަދިއިސްލާމްދީންނޫންން ދީންތަށްމިޤަޢުމަށް ގެނައުމަށް ވަކާލާތުކުރި ދެވަނަބައެއްވެސް ނޫޅޭނެ!'' ފަލާހް ވިދާޅުވެފަވެއެވެ.

''އަޅުގަނޑު ނޯންނާނެ މީހަކުމަރަން ބުނެފައެއް. ޢުލުބޭންދުން އަޅުގަނޑުމެން ހިސާބުގައި ބޭނުންކުރަނީ ބަސްނާހާމީހުން ބިމަށްވުރެމަތީތާކަށް އެރުވުމަށް. ކުރިއަށްއޮތްމަދު ދުވަސްކޮޅުތެރޭ މަތީގައި ވާރައްޓެހިންނާ ބައްދަލްވާނެކަމަށް އުއްމީދުކުރަން!'' ފަލާހް ވިދާޅުވެފަވެއެވެ.

މި މައްސަލާގައި ފުލުހުން ޕީޖީގެ ލަފަޔަކަށް އެދިފައިވާއިރު ޤާނޫނުއަސާސީގެ 90ވަނަ މާއްދާގެ (ހ)ގައި ރައްޔިތުންގެ މަޖިލީހުގެ ޖަލްސާއެއްގައި، ނުވަތަ އެމަޖިލީހުގެ ކޮމިޓީއެއްގައި މަޖިލީހުގެ މެންބަރަކު ނުވަތަ އެނޫންވެސް މީހަކު އިސްލާމްދީނުގެ އަޞްލަކާ ޚިލާފް ނުވާގޮތުގެމަތީން ދެއްކި ވާހަކައެއް ނުވަތަ ހުށަހެޅި ހުށަހެޅުމެއްގެ ސަބަބުން ނުވަތަ ވޯޓް ދިނުމުގައި ޢަމަލުކުރި ގޮތެއްގެ ސަބަބުން، ކޯޓަކަށް އެމީހަކު ހާޒިރުކޮށް ނުވަތަ އެމީހަކާމެދު އެއްވެސް ތަޙްޤީޤެއް ހިންގައި ނުވަތަ ހައްޔަރުކޮށް ނުވަތަ ބަންދެއްކޮށް ނުވަތަ އެމީހަކާމެދު ދަޢުވާއެއްކޮށް ހަދައިގެނެއް ނުވާނެކަމަށް ވަނީ ބުނެފައެވެ.

 

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ފަލާހް ދެއްކެވި ވާހަކަ: ތަހްގީގްކުރަން ޕީޖީގެ ލަފާ ހޯދަނީ، ''މީހަކު މަރަން ބުނަފައެއް ނޯންނާނެ''ޚަބަރު | 8 ގަޑިއިރު ކުރިންރާއްޖޭގެ ސިޓީތަކުގައި ކުށްކުރާ ކުދިންގެ މިންވަރު އަންނަނީ އިތުރުވަމުން: ފުލުހުންޚަބަރު | ދުވަހެއް ކުރިންގިނަ އަދަދެއްގެ މަސްތުވާތަކެއްޗާ އެކު މީހަކު ހައްޔަރުކޮށްފިޚަބަރު | 2 ދުވަސް ކުރިންޑްރަގް ވިޔަފާރީގެ ބޮޑެއްކަމަށް ބެލެވޭ މީހަކު ލައްކައެއްހާ ރުފިޔާ އާއި ކިލޯއެއްހާ ޑްރަގާއެކު ހައްޔަރުކޮށްފިޚަބަރު | 2 ދުވަސް ކުރިން