އަރިއަތޮޅު ސްޕޯރޓްސް ފެސްޓިވަލްގައި ފުޓްބޯޅަ އިވެންޓުގެ ފައިނަލްމެޗު ކާމިޔާބުކޮށް، އއ. އަތޮޅުގެ ފުޓްބޯޅައިގެ ރަސްކަމަށް ތޮައްޑޫ އައިސްފިއެވެ. އަރި އަތޮޅު ސްޕޯރޓްސް ފެސްޓިވަލް ގެ ނަމުގައި އަރިއަތޮޅު ކައުންސިލުން އިންތިޒާމް ކޮށްގެން ބޭއްވި މި ފެސްޓިވަލުގައި ފުޓްބޯޅައިގެ އިތުރުން އަންހެނުންނަށް ހާއްސަކޮށް ހޭންޑް ބޯޅަ މުބާރާތެއްވެސް ވަނީ ކުރިޔަށް ގެންގޮސްފައެވެ.

ފުޓްބޯޅަ އިވެންޓުގައި ޖުމްލަ 6 ޓީމެއް ބައިވެރިވެފައިވާއިރު، މުބާރާތް ކުރިޔަށް ގެންގޮސްފައިވަނީ ދެ ގްރޫޕްކަށް ބަހާލައިގެންނެވެ. ގްރޫޕް ބީގައި ތޮއްޑޫ އާއި ރަސްދޫ އާއި ފޮޅުދޫ ހިމެނޭއިރު، މި ގްރޫޕުން އެއްވަނަ ޓީމެއްގެ ގޮތުގައި ސެމީއަށް ދަތުުރުކޮށްފައިވަނީ ތޮއްޑޫއެވެ. އަދި ދެވަނަ ޓީމެއްގެ ގޮތުގައި ދަތުުރުކޮށްފައިވަނީ ފޮޅަދޫއެވެ. ގްރޫޕް އޭގައި އުކުޅަހާއެކު މާޅޮސް އަދި ހިމަންދޫ ކުޅެފައިވާއިރު، އެއްވަނައިގައި ސެމީއަށް ދަތުުރކުރީ މާޅޮހެވެ. އަދި ދެވަނައިގައި ދަތުރުކުރީ އުކުޅަހެވެ.

Ad by Hajj Corporation

ސެމީގައި ތޮއްޑޫ އުކުލަށް 4-0 އިން ބަލިކޮށްފައިވާއިރު، ފޮޅަދޫ ވަނީ މާޅޮސް ގެ މައްޗަށް 2-0 އިން ކުރި ހޯދާފައެވެ.

ރަސްދޫގައި ކުރިޔަށް ގެންދިޔަ މިމުބާރާތުގެ ފައިނަލުގައި އިއްޔެ ވާދަކުރީ ތޮއްޑޫ އާއެކު ފޮޅަދޫއެވެ. މެޗުގެ 90 މިނެޓުގައި 2-2 އިން އެއްވަރުވެފައި އޮތުމުން ޕެނަލްޓީ ޖަހައިގެން ތޮއްޑޫއިން މުބާރާތް ކާމިޔާބުކުރީ 4-2 އިންނެވެ. މިއާއެކު ތޮއްޑޫއަށް ވަނީ ކުރިޔަށް އޮތް 90 ޕްލަސް ގޯލްޑްކަޕްގައި އަރިއަތޮޅު ޗެންޕިއަންޓީމުގެ ހައިސިއްޔަތުން ޖާގަލިބިފައެވެ.

މި މުބާރާތުގެ އެންމެ މޮޅުކުޅުންތެރިޔަކަށް ހޮވިފައިވަނީ ތޮއްޑޫގެ ޖޯޒީނަންބަރު 9 ޝައުޤަތު އެވެ.

މުބާރާތް ކާމިޔާބުކޮށް ތޮއްޑޫގެ ޓީމު ރޭގައި ރަށަށް ދިޔުމުން ވަނީ ހޫނު މަރުޙަބާއެއް ކިޔާފައެވެ.

އަރިއަތޮޅު ސްޕޯރޓްސް ފެސްޓިވަލުގެ ހޭންޑްބޯލް މުބާރާތުގެ ފައިނަލުގައި އުކުޅަހާއި ވާދަކޮށް 13-11 އިން ކާމިޔާބުކުރީ ރަސްދޫއެވެ.