ވެސްޓް ލަންޑަން ޑާބީގައި ބްރެންޓްފޯޑާއި ޗެލްސީ ވަާދަކުރި މެޗު 2-2 އިން އެއްވަރުވެއްޖެއެވެ. މެޗުގެ އެންމެ ފަހު ސިކުންތުތަކުގައި ފާބިއޯ ކާވަލްހޯ ޖެހި ލަނޑުން ބްރެންޓްފޯޑުން ވަނީ މެޗް އެއްވަރުކޮށްލާފައެވެ.

މެޗުގެ ފުރަތަމަ ލަނޑު ޖަހާފައިވަނީ 35 ވަނަ މިނެޓްގައި ކެވިން ޝޭޑެވެ. އޭގެ ފަހުން އަނިޔާއިން އެނބުރި އައިސް ސަބްސްޓިޓިއުޓެއްގެ ގޮތުގައި ކުޅުނު ކޯލް ޕާމަރ ވަނީ 60 ވަނަ މިނެޓުގައި އޭނާގެ ފުރަތަމަ ގޯލުޖަހާފައެވެ.

Ad by Hajj Corporation

ޖީޓެކް ކޮމިއުނިޓީ ސްޓޭޑިއަމްގައި ކުޅުނު މި މެޗުގައި، 85 ވަނަ މިނެޓްގައި މޮއިސެސް ކައިސެޑޯ ޖެހި ރީތި ލަނޑަކުން ޗެލްސީން ވަނީ މެޗުގައި ފުރަތަމަ ފަހަރަށް ލީޑުނަގާފައެވެ. ނަމަވެސް އިންޖަރީ ޓައިމްގެ ތިންވަނަ މިނެޓްގައި ކާވަލްހޯ ޖެހި ލަނޑުން ބްރެންޓްފޯޑުން ވަނީ މެޗް އެއްވަރުކޮށްލާފައެވެ.

މި ނަތީޖާއާއެކު ހަތަރު މެޗުން އަށް ޕޮއިންޓާ އެކު ޗެލްސީ އޮތީ ތާވަލުގެ ފަސްވަނައިގައެވެ.