ދުނިޔެ
.jpg&w=3840&q=75)
އަޙްމަދު ސަދޫފް މޫސާ
ލައިވް: ލުބުނާނުގެ ޙާލަތު ގޯހުން ގޯހަށް
އިސްރާއިލްއިން ލެބަނޮން އަށް ޙަމަލާ ދިނުމާއެކު، އާންމުން މަގުމަތިވެފައި -- ފޮޓޯ/ ގެޓީ އިމޭޖެސް
އަޙްމަދު ސަދޫފް މޫސާ28 ސެޕްޓެމްބަރު 2024 - 08:50
ލުބުނާނުގެ ވެރިރަށް ބެއިރޫތަށް ޔަހޫދީ އިޒްރޭލުގެ އަސްކަރިއްޔާއިން މިރޭ ވަރުގަދަ ހަމަލާތަކެއް ދީފި އެވެ. ލުބުނާނުގެ ޖަމާއަތެއްކަމަށްވާ ހިޒްބުالله އިން އޮޕަރޭޓްކުރާއަލް މަނާރު ޓީވީން ބުނި ގޮތުގައި ލުބުނާނުގެ ވެރިރަށުގެ ހަރެޓް ރެކް ޑިސްޓްރިކްޓަށް ޔަހޫދީން ދިން ވައިގެ ހަމަލާތަކުގައި ހަތަރު އިމާރާތެއް ވަނީ ބިމާހަމަވެފައެވެ. އެ ޓީވީން ބުނީ އެ ސަރަހައްދަށް އެއް ވަގުތެއްގައި 15 އަށް ވުރެ ގިނަ މިސައިލް ހަމަލާ ދީފައިވާ ކަމަށެވެ. ރިޕޯޓުތައް ބުނާގޮތުގައި ހަމަލާދީފައިވަނީ ބެއިރޫތުގެ އެންމެ ބާރުބޮޑު އެއް ސަރަހައްދަށެވެ.
އިސްރާއީލުން މިރޭ ދިން ޙަމަލާއަކީ ލުބުނާނުގައި ހަރަކާތްތެރިވާ ހެޒްބޮﷲގެ ލީޑަރު ހަސަން ނަސްރުالله އަވަހާރަކޮށްލަންދިން ޙަމަލާއެއްކަމުގައި ބައެއް ރިޕޯޓުތަކުން ދަނީ ބުނަމުންނެވެ. އެހެން ނަމަވެސް އެކަން ހެޒްބޮﷲ އިން ކަށަވަރުކޮށްދީފައެއް ނުވެއެވެ. ނަސްރުﷲ ހުންނެވީ ހެޔޮ ހާލުގައި ކަމަށް ރިޕޯޓުތައް ބުނެއެވެ.
އިސްރާއީލުން ލުބުނާނުގެ ބެއިރުތް އަށް ދިން ޙަމަލާއިން ދޭހެ ވަނީ، ޙަމަލާތައް ހުއްޓާލުމަށް ކުރާ މަޝްވަރާތަކަށް އިސްރާއީލުން އަޅާނުލުން ކަމަަށް ލެބަނޮންގެ ބޮޑު ވަޒީރު، ނަޖިބް މިކަތިގެ އޮފީހުން ބުނެފިއެވެ. އެ އޮފީހުން އެފަދައިން ބުނެ، ބަޔާނެއް ނެރުނު އިރު، ބޮޑު ވަޒީރު ހުންނެވީ އދ.ގެ 79 ވަނަ އާންމު މަޖިލީހުގައި ބައިވެރިވެވަޑައިގަތުމަށް އެމެރިކާގެ ނިއުޔޯކުގައެވެ.
އިސްރާއީލުން ލެބަނޮންއަށް ދިން ޙަމަލާ -- ފޮޓޯ ރޮއެޓާސް
އިސްރާއީލުން ލެބަނޮންއަށް ދިން ޙަމަލާ -- ފޮޓޯ ރޮއެޓާސް
އިސްރާއީލުން ލުބުނާނު އަށް ދިން ޙަމަލާގައި ހަތަރު ގެއެއް ބިމާ ހަމަކޮށްފައިވާ ކަމަށް ރިޕޯޓުތައް ބުނެއެވެ. ސުންނާފަތިކޮށްފައިވާ ދެ ގެތަކުގެ ދަށުން ދެ މީހަކު ވަނީ ސަލާމަތްކޮށްފައެވެ. އިތުރު މީހުން ސަލާމަތްކުރުމުގެ މަސައްކަތް ވެސް އިދާރާތަކުން ދަނީ ކުރަމުންނެވެ.
އިސްރާއީލުން ލެބަނޮންއަށް ދިން ޙަމަލާ -- ފޮޓޯ ރޮއެޓާސް
އިސްރާއީލުން އެފަދަ ޙަމަލާއެއް ދީފައިވަނީ، ލުބުނާނުގެ މި މައްސަލަ ޙައްލުކުރުމަށް ބޭނުންވާ ކަމަށް އިސްރާއީލުގެ ބޮޑުވަޒީރު، ބެންޖަމިން ނަތަންޔާހޫ މިއަދު އދ.ގެ އާންމު މަޖިލީހުގައި ވިދާޅުވެފައިވަނިކޮށެވެ. އެހެން ނަމަވެސް މިއަދަު އިސްރާއީލުން ލުބުނާނުއަށް ވަރުގަދަ ޙަމަލާތަކެއް ދީފައިވާއިރު، ނުވަ ގެއެއް ހަލާކުވެފައިވާ ކަމަށް ބޭރުގެ ރިޕޯޓުތައް ބުނެއެވެ. އިސްރާއީލުން ބުނި ގޮތުގައި، ޙަމަލާދީފައިވަނީ ހެޒްބުﷲގެ ހެޑް ކުއާޓާއަށެވެ.
އިސްރާއީލުން އެ ޙަމަލާގައި ބޭނުންކުރީ އައު ވައްތަރެއްގެ ބޮމެއް ކަމުގައި ބޭރުގެ ރިޕޯޓުތަކުން ބުނެފިއެވެ. އެގޮތުން އަލް ޖަޒީރާ އިން ރިޕޯޓުކުރާ ގޮތުގައި، އިސްރާއީލުން އެ ޙަމަލާގައި ބޭނުންކުރީ "ޖީބީޔޫ-72"ނަމަކަށް ކިޔާ ބޮމެކެވެ. އެ ބޮމަކީ އެންމެ ޒަމާނީ 5،000 ޕައުންޑް ނުވަތަ 2،200 ކިލޯގްރާމްގެ ބަންކާ ބަސްޓާ އެއް ކަމުގައި އެ ނޫހުން ބުނެއެވެ. އެ ބޮން އުފައްދާފައިވަނީ 2021 ވަނަ އަހަރުއެވެ.
އެ ޙަމަލާގައި 76 މީހަކަށް އަނިޔާވެފައިވާ ކަމަށް ބޭރުގެ ނޫސްތަކުން ރިޕޯޓުކުރެއެވެ. އިތުރު ތަފްސީލުތަކެއް އަދި ޔަގީންކުރެވިފައެއް ނުވެއެވެ.
ބޭރުގެ ނޫސްތަކުން ރިޕޯޓުކުރާ ގޮތުގައި، އެ ޙަމަލާގައި އެމެރިކާގެ ބައިވެރިވުމެއް ނެތެވެ. އެގޮތުން އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިން ވިދާޅުވި ކަމަށް، ޑެޕިއުޓީ ޕެންޓަގަން ޕްރެސް ސެކްރެޓަރީ ސަބްރިނާ ސިންހް ވިދާޅުވި ގޮތުގައި، އެ ޙަމަލާދޭން އުޅޭ ކަމުގެ އިންޒާރެއް ވެސް އިސްރާއީލުން އެމެރިކާއަށް ދީފައެއް ނުވެއެވެ. އެހެންކަމުން އެކަން އެމެރިކާ އިން ވެސް ދަނީ ބަލަމުން ކަމުގައި ސަބްރީނާ ވިދާޅުވިއެވެ.
ޙަމަލާއާއެކު، އިސްރާއީލުގެ ބޮޑު ވަޒީރު ބެންޖަމިން ނަތެންޔާހޫ ވެސް ވަނީ އދ. އަށް ކުރެއްވި ދަތުރުފުޅު ކުރު ކުރެއްވުމަށް ފަހު އެނބުރި ވަޑައިގަންނަވައިފައެވެ. އިސްރާއީލުން އެފަދަ ޙަމަލާއެއް ދީފައިވަނީ، ލެބަނޮންގެ މި މައްސަލަ ޙައްލުކުރުމަށް ބޭނުންވާ ކަމަށް އިސްރާއީލުގެ ބޮޑުވަޒީރު، ބެންޖަމިން ނަތަންޔާހޫ މިއަދު އދ.ގެ އާންމު މަޖިލީހުގައި ވިދާޅުވެފައިވަނިކޮށެވެ.
އިސްރާއީލުން ބުނި ގޮތުގައި، އެ ޙަމަލާ އަމާޒުކޮށްފައިވަނީ ހެޒްބުﷲގެ ބިމު އަޑީގެ ބަންކަރުތަކަށެވެ. އެ ޙަމަލާގައި 9 ގެއެއް ހަލާކުވެފައިވާއިރު، އެ ގެތަކުގެ ދަށުގައި ތިބި މީހުން ސަލާމަތްކުރުމުގެ މަސައްކަތް ކަމާ ބެހޭ އިދާރާއިން ދަނީ ކުރަމުންނެވެ. އެހެން ކަމުން، އަނިޔާވެފައިވާ މީހުންގެ އަދަދު އަދި ކަށަވަރުކުރެވިފައެއް ނުވެއެވެ.
އިސްރާއީލުން ޣައްޒާއަށް ދެމުންދާ ޙަމަލާތައް ހުއްޓާލަންދެން، ހަނގުރާމަކުރުމުގައި ދެމި ތިބޭނެ ކަމުގައި ހެޒްބުﷲ އިން ބުނެފިއެވެ. ހެޒްބުﷲގެ އޮފިޝަލް، ހުސެއިން ފަޟްލުﷲ ވިދާޅުވީ، އެ ޖަމާއަތުން ފަލަސްތީނު އެކަނިވެރިކޮށްނުލާނެ ކަމަށެވެ.
އިސްރާއީލުގެ ސިފައިންނާއި އެމެރިކާގެ ކެންޓޮމް ކޮމާންޑާ، މައިލަލް ކުރިއްލާ އިސްރާއިލުގައި ބައްދަލުކުރަނީ
ބަދަލު ޙަމަލާއަކަށް އިސްރާއީލުގެ އަސްކަރިއްޔާ އޮތީ ތައްޔާރަށް ކަމުގައި އިސްރާއީލުގެ އަސްކަރިއްޔާއިން ބުނެފިއެވެ. އެގޮތުން ޙަމަލާ ދިނުމަށާއި، ޙަމަލާއިން ރެކުމުގައި ވެސް އެ އަސްކަރިއްޔާ އޮތީ ތައްޔާރަށް ކަަމަށް އެ އަސްކަރިއްޔާ އިން ވަނީ ބުނެފައެވެ.
ލުބުނާނުގައި ހުރި އީރާންގެ އެމްބަސީން ވެސް ވަނީ އެކަމާ ގުޅޭގޮތުން ބަޔާނެއް ނެރެފައެވެ. އެ ބަޔާނުގައި އެ އެމްބަސީން ބުނީ، އެ ޙަމަލާގެ ސަބަބުން މެދުއިރުމަތީގެ ޙާލަތު އިތުރަށް ގޯސްވާނެ ކަމަށެވެ. އަދި އޭގެ ސަބަބުން އިސްރާއީލަށް ޙައްގު އަދަބު ދެވޭނެ މަގުފަހި ވާނެ ކަމަށް ވެސް އެ ބަޔާނުގައި ބުންޏެވެ.
އެ ޙަމަލާތަކުގައި 76 މީހަކަށް އަނިޔާވެ، ދެ މީހަކު މަރުވެފައިވާ ކަމަށް ލެބަނޮންގެ ސިއްޚީ ވުޒާރާއިން ބުނެފިއެވެ.
އިސްރާއީލުން ލުބުނާނަށް ދެމުންދާ ޙަމަލާތައް ހުއްޓާލުމަށް އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިން ގޮވާލައިފިއެވެ. އޭނާ ވިދާޅުވީ، ޙަމަލާތައް ހުއްޓާލައި، ޑިޕްލޮމެޓިކް މަޝްވަރާތަކެއް ކުރުމުގެ ފުރުސަތު އަދި ވެސް ދެ ގައުމަށް އެބައޮތް ކަމަށެވެ.
އިސްރާއީލުން ލުބުނާނަށް މިރޭ ދިން ޙަމަލާއާއެކު، އިސްރާއީލުގެ ސެކިއުރިޓީ އެލާޓް ލެވެލް އެންމެ މައްޗަށް ޖައްސައިފިއެވެ. އެ އެލާޓް ލެވަލް އެންމެ މައްޗަށް ޖައްސައިފައިވަނީ، މިރޭ އިސްރާއީލަށް އައިސްދާނެ ޙަމަލާއަކަށް ތައްޔާރުވުމަށް ކަމަށް ބޭރުގެ ނޫސްތަކުން ރިޕޯޓުކުރެއެވެ.
އިސްރާއީލުން މިއަދު ދިން ޙަމަލާގައި ހިޒްބުﷲ ސެކެރެޓަރީ ޖެނެރަލް ސައްޔިދު ހަސަން ނަސްރަﷲ ހަވަހާރަކޮށްލެވިފައިވާ ކަމުގައި އިސްރާއީލުގެ ސިފައިންނާ ޙަވާލާދީ، އިސްރާއީލުގެ ނޫހަކުން ރިޕޯޓުކޮށްފިއެވެ.
އިސްރާއީލުން ލުބުނާނަށް ދޭ ޙަމަލާތައް ހުއްޓާލެވޭނީ، އދ.ގެ ސެކިއުރިޓީ ކައުންސިލުން އެ މީހުންގެ ޒިންމާ ފުރިހަމައަށް އަދާކޮށްގެން ކަމުގައި އުރުދުންގެ ޚާރިޖީ ވަޒީރު އައިމަން ސަފާދީ ވިދާޅުވެއްޖެއެވެ. ސަފާދީ އެފަދައިން ވިދާޅުވީ، އދ. ގައި މިހާރު ކުރިއަށްދާ ނޫސްވެެރިންގެ ބައްދަލުވުމުގައެވެ. ސަފާދީ ވިދާޅުވި ގޮތުގައި، ނަތަންޔާހޫ ބޭނުންވަނީ ސަރަޙައްދީ ބޮޑު ހަނގުރާމައެއް ފެށުމަށެވެ.
އިސްރާއީލުން ހިންގާ ޖަރީމާއާ ދެކޮޅަށް އީރާނުގައި ކުރާ މުޒާހަރާ -- ފޮޓޯ/ އޭއެފްޕީ
އިސްރާއީލުން ހިންގާ ގަތުލްއާންމުތަކާ ދެކޮށް އީރަން އަދި ޔަމަނުގައި އަޑުއުފުލަން ފަށައިފިއެވެ. އެ އަޑުތައް އުފުލުމަށް، އީރާން އަދި ޔަމަނުގެ މަގުތަކަށް އެތައް ހާސް ބަޔަކު ވަނީ ނުކުމެފައެވެ.
އިސްރާއީލުން ލުބުނާނަށް ދިން ޙަމަލާ، ހަމާސް އިން ކުށްވެރިކޮށްފިއެވެ. އެގޮތުން ހަމާސް އިން ނެރުނު ބަޔާނެއްގައި ބުނީ، އިސްރާއީލުން ލުބުނާނަށް ވައިގެ މަގުން ދިން ޙަމަލާ ހަރުކަށި އިބާރާތުން ކުށްވެރިކުރާ ކަމަށެވެ. އަދި ވަކިން ޚާއްސަކޮށް، އާންމު މީހުން ދިރިއުޅޭ ގެތަކަށް އަމާޒުކޮށް ދިން ޙަމަލާ ކުށްވެރިކުރާ ކަމުގައި އެ ޖަމާއަތުން ބުންޏެވެ.
އިސްރާއީލުން ރޭ ލުބުނާނަށް ދިން ޙަމަލާ-- ފޮޓޯ/ ރޮއިޓާސް
އިސްރާއީލުން ލުބުނާނަށް އިތުރު ޙަމަލާތަކެއް ދީ، އިތުރު ގެތަކެއް ބިމާ ހަމަކޮށްފިއެވެ. އެގޮތުން ރޭ ދަންވަރު ވެސް ވެރިރަށް ބެއިރުތް އަށް އަމާޒުކޮށް ރޮކެޓް ހަމާލަތަކެއް ދީފައިވާއިރު، މިއަދުގެ ހެނދުނުގެ ވަގުތެއްގައި ވެސް އިސްރާއީލުން ވަނީ އިރުމަތީ ލުބުނާނުގެ އަވަށެއް ކަމުގައިވާ ބެކާ ވެލީއަށް އަމާޒުކޮށް ޙަމަލާ ދީފައެވެ. އެ ޙަމަލާތަކުގައި އަނިޔާވެފައިވަނީ ކިހާ މީހުންނަށް ކަމެއް ސާފުވެފައިނުވި ނަމަވެސް، އެ ޙަމަލާތައް އަމާޒުކުރީ އާންމުން ދިިރިއުޅޭ ގެތަކަށް ކަމުގައި ބޭރުގެ ރިޕޯޓުތަކުން ބުނެއެވެ.
ޔޫނިއަންގެ ފޮރިން ޕޮލިސީ ޗީފް ޖޯސަފް ބޮރެލް -- ފޮޓޯ/ އޭޕީ
އިސްރާއީލުގެ ހަރުކަށި ބޮޑު ވަޒީރު، ބެންޖަމިން ނަތަންޔާހޫ ނުހުއްޓުވޭނެ ކަމުގައި ޔޫރަޕިއަން ޔޫނިއަންގެ ފޮރިން ޕޮލިސީ ޗީފް ޖޯސަފް ބޮރެލް ވިދާޅުވެއްޖެ. ބޮރެލް އެފަދައިން ވިދާޅުވީ، މިއަދު އޮތް ނޫސްވެރިނަްގެ ބައްދަލުވުމެއްގައިއެވެ. އެ ބައްދަލުވުމުގައި ބޮރެލް ވިދާޅުވީ، އިސްރާއީލުން ހަމާސްއާ މެދު ޢަމަލުކުރި ގޮތަށް، މި ހަމަލާތައް ދިނުމުގެ ވިސްނުން ހުރެއްޖެ ނަމަ، މި ހަނގުރާމަ ދިގު ދެމިގެން ދާނެ ކަމަށެވެ. އެހެންކަމުން ބޮޑުވަޒީރު ބެންޖަމިން ނަތަންޔާހޫ ނުހުއްޓުވޭނެ ކަމަށާއި، އެމެރިކާ އަދި ފްރާންސް އިސްވެ އޮވެ، ހަމަލާތައް މެދުކަނޑާލުމަށް ކުރި މަސައްކަތަށް ވެސް އިސްރާއީލުން ދިނީ ބީރުކަންފަތެއް ކަމަށް ބޮރެލް ވިދާޅުވިއެވެ.
އިސްރާއީލުން ލުބުނާނަށް ދިން ޙަމަލާތަކުގައި މިހާތަނަށް 700 އަށް ވުރެ ގިނަ މީހުން ވަނީ މަރުވެފައިއެވެ. ވެއްޓިފައިވާ ގެތަކުގެ ދަށުވެފައި ތިބި މީހުންނާއެކު، އެ އަދަދު އެއަށް ވުރެ އިތުރުވާނެ ކަމުގައި ބެލެވެއެވެ.
އިސްރާއީލުގެ ވެރިރަށް، ތެލްއަވީވް އިން ބޮން ގޮވާ އަޑު އިވޭ ކަމުގައި ބޭރުގެ ރިޕޯޓުތަކުން ބުނެފިއެވެ. އަދި ލުބުނާނުން އިސްރާއީލަށް ދިން މިސައިލް ޙަމަލާއެއް، ތެލް އަވީވްގެ ހުސް ބިމަކަށް ވެއްޓިފައިވާ ކަމަށް ވެސް އިސްރާއީލުގެ އަސްކަރިއްޔާއާ ހަވާލާދީ، ބޭރުގެ ނޫސްތަކުން ރިޕޯޓުކޮށްފައިވެއެވެ.
އިސްރާއިލުން ލުބުނާނަށް ދިން ޙަމަލާގެ ފަހުން ލުބުނާނުގެ ޙާލަތު -- ފޮޓޯ/ އޭއެފްޕީ
އިސްރާއިލުން ލުބުނާނަށް ދިން ޙަމަލާގެ ފަހުން ލުބުނާނުގެ ޙާލަތު -- ފޮޓޯ/ އޭޕީ
އިސްރާއިލުން ލުބުނާނަށް ދިން ޙަމަލާގެ ފަހުން ލުބުނާނުގެ ޙާލަތު -- ފޮޓޯ/ ރޮއިޓާސް
އިސްރާއީލުގެ ސެންޓްރަލް ކޮމާންޑްގެ ދިފާއީ ބާރު ވަރުގަދަ ކުރުމަށް ތިން ރިޒާވް ބެޓަލިއަން އެއްކޮށްފައިވާ ކަމަށް އިސްރާއީލުގެ އަސްކަރިއްޔާއިން ބުނެފިއެވެ. ލުބްނާނަށް އެއްގަމު މަގުން އަރައިގަނެވޭނެ ކަމަށް ބެލެވޭ ތަމްރީނުތައް ހެދުމަށް އެގައުމުގެ އަސްކަރިއްޔާއިން ވަނީ އިސްރާއީލުގެ އުތުރުގެ ސަރަހައްދަށް ދެ ބެޓަލިއަން ފޮނުވައިފައެވެ.
އިސްރާއީލް އާއި ލެބަނޮން ގުޅޭ ބޯޑަރުގައި އިސްރާއީލުގެ ސިފައިން -- ފޮޓޯ/ އޭޕީ
ލުބުނާނުގެ ތައިބާ އަދި ދެއިން ސެރިއަންއަށް އިސްރާއީލުން މިއަދު ދިން ޙަމަލާތަކުގައި 11 ސިއްޚީ މަސައްކަތްތެރިން މަރާލައި، އިތުރު 10 މީހަކު ޒަޙަމްކޮށްފައިވާ ކަމުގައި ލުބުނާނުގެ ސިއްޚީ ވުޒާރާއިން ބުނެފިއެވެ.
އިސްރާއީލަށާއި އިސްރާއީލުގެ ރައްޔިތުންނަށް އިންޒާރުދޭ ފަރާތްތަކަށް، ޙަމަލާދޭނެ ކަމަށް ބުނެ، އިސްރާއީލުގެ އަސްކަރިއްޔާ އިން ބައިނަލްއަގުވާމީ ދުނިޔެއަށް އިންޒާރުދީފިއެވެ. އެ އިންޒާރު ދިނީ އިސްރާއީލުގެ އަސްކަރިއްޔާގެ ޗީފް އޮފް ސްޓާފް ހާޒީ ހަލެވީ، އޭނާ ނެރުނު ބަޔާނެއްގައެވެ.
އިސްރާއީލުން އިއްޔެ ޙަމަލާ އަމާޒުކުރި ގެއެއް އެއްކޮށް ބިމާ ހަމަވެފައި -- ފޮޓޯ/ އީރާން އޮބްޒާވާ
އިސްރާއީލުން ލުބުނާނަށް ދިން ޙަމަލާގެ ފަހުން ލުބުނާނުގެ ޙާލަތު -- ފޮޓޯ/ ރޮއިޓާސް
ލުބުނާނުގެ ވެރިރަށް ބެއިރޫތްއަށް އިއްޔެ ދިން ޙަމަލާގައި، އެގައުމުގެ ސިވިލް ޑިފެންސްގެ ސްޓާފެއް މަރުވެފައިވާ ކަމަށް އެގައުމުގެ ސިވިލް ޑިފެންސް އިދާރާއިން ބުނެފިއެވެ. އަދި އިތުރު ސްޓާފެއްގެ ޙާލު ސީރިއަސް ކަމުގައި ވެސް އެ އިދާރާއިން ބުންޏެވެ.
ލުބުނާނުގެ ވެރިރަށް ބެއިރޫތް އަދި މައުންޓް ލެބަނޮންގައި ހުރި ހޮސްޕިޓަލްތަކުން، އެމާޖެންސީ ނޫން ބަލި މީހުން އެ ހޮސްޕިޓަލުތަކުގައި އެދުމަތި ނުކުރުމަށް ލުބުނާނުގެ ސިއްޚީ ވުޒާރާއިން އެދެފިއެވެ. އެ ވުޒާރާއިން އެފަދައިން އެދުނީ، މިއަދު ލުބުނާނަށް ދިން ޙަމަލާތަކުގައި އަނިޔާވެފައިވާ މީހުންނަށް ފަރުވާ ދިނުމަށެވެ. އެކަން އަންގާފައިވަނީ މިއަދު އެ ވުޒާރާއިން ނެރުނު ބަޔާނެއްގައެވެ.
އިސްރާއީލުން ގެންދަނީ އަދިވެސް ލުބުނާނުގެ ބައެއް ގެތަކަށް ޢަމާޒުކޮށް ޙަމަލާތައް ދެމުންނެވެ. އެގޮތުން ލުބުނާނުގެ ގައުމީ ޓީވީން ރިޕޯޓުކުރާ ގޮތުގައި، ލުބުނާނުގެ ދެކުނުގައި އޮންނަ މަރްޖޫމް އަވަށަށް އިސްރާއީލުން ވަނީ ރޮކެޓް ހަމަލާ ދީފައެވެ. އަދި އިތުރު ސަރަޙައްދުތަކަށް ވެސް އިސްރާއީލުން ޙަމަލާތައް ދެމުންދާއިރު އޭގެ ތެރޭގައި މިއަދު ހެނދުނު ވެސް ޙަމަލާ ދިން ބެކާ ވެލީ ވެސް ހިމެނެއެވެ. އެ ޙަމަލާތަކުގައި އަނިޔާވި މީހުންގެ އަދަދެއް އަދި ހާމަވެފައެއް ނުވެއެވެ.
ހިޒްބުﷲގެ ލީޑަރު ނަސްރުﷲ
ލުބްނާނުގައި ހަރަކާތްތެރިވާ ހެޒްބުﷲ އިން، އެ ޖަމާއަތުގެ ލީޑަރު ސައްޔިދު ނަސްރުﷲ އަވަހާރަވެއްޖެކަން ކަށަވަރުކޮށްދީފިއެވެ. އެކަން އެ ޖަމާއަތުން ކަށަވަރުކޮށްދީފައިވަނީ މިއަދު ނެރުނު ބަޔާނެއްގައެވެ.
ލުބުނާނުގެ ދެކުނުގެ ސަރަހައްދުތަކުގައި އިސްރާއީލުގެ ހަނގުރާމައިގެ ސަބަބުން ގެދޮރު ގެއްލުނު މީހުންނަށް އެހީވުމަށް ލުބުނާނުގެ ވޮލަންޓިއަރުން ވަނީ އެއްވެފަ އެވެ.
އިޒްރޭލުގެ އަސްކަރިއްޔާއިން ލުބުނާނުގެ ވެރިރަށަށް ނުރައްކާތެރި ވައިގެ ހަމަލާތަކެއް ދީ، މީހުން ދިރިއުޅޭ ހަ ޓަވަރު މުޅިން ހަލާކުކޮށްލައި، ހަ މީހުން މަރުވެ، 91 މީހުން ޒަޚަމްވެއްޖެ އެވެ.
އިތުރު ލިޔުންތައް
ލުބުނާނަށް ދިން ހަމަލާގައި އެމެރިކާގެ އަތެއް ނެތް: ޕެންޓަގޮން
3 މަސް ކުރިންއިސްރާއީލުން ނުސެއިރަތް ރެފިއުޖީ ކޭމްޕަށް އަނެއްކާ ވެސް ޙަމަލާދީ، ހަތަރު މީހަކު މަރާލައިފި
3 މަސް ކުރިންއިސްރާއިލުން ލުބުނާނަށް ދެމުންދާ ޙަމަލާތަކުގައި 11 ސިއްޚީ ޚިދުމަތްތެރިން މަރާލައިފި
3 މަސް ކުރިންނަސްރުﷲ އަވަހާރަވިކަން ހެޒްބުﷲ އިން ކަށަވަރުކޮށްދީފި
3 މަސް ކުރިންކޮމެންޓް