ފްރާންސް ފުޓްބޯޅްގެ އެޑިޓަރ އިން ޗީފް ވިންސެންޓް ގާސިއާ ވިދާޅުވެފައިވަނީ މި އަހަރުގެ ބެލޯން ޑީ އޯރ ވޯޓުގައި ޕީއެސްޖީގެ ތަރި އުސްމާން ޑެމްބެލޭ ވަނީ ބޮޑު ތަފާތަކުން ކުރިހޯޑާފައެވެ.

ފްރާންސް ފުޓްބޯޅްގެ ފަރާތުން ދޭ މި ޝަރަފުވެރި އެވޯޑަށް ޑެމްބެލޭ ހޮވުނީ ބާސެލޯނާގެ ލަމީން ޔަމާލްއަށް ބޮޑުތަނުން ގިނަ ވޯޓު ހޯދައިގެންކަމަށް ގާސިއާ ވިދާޅުވިއެވެ.

Ad by Hajj Corporation

"ވޯޓުގެ ޓްރެންޑްއަށް ބަލާއިރު، ތެދުތެދަށް ދަންނަވާނަމަ، އެއްވެސް ވާދައެއް ނެތް. އުސްމާން ވަނީ ވަރަށް ބޮޑު ތަފާތަކުން ކުރިހޯދާފައި. އަޅުގަނޑުމެންގެ ޖޫރީގެ ބޮޑު ބައެއްގެ ތާއީދު އޭނާއަށް ލިބިފައިވޭ،" ގާސިއާ ވިދާޅުވިއެވެ.

އެޑިޓަރ އިން ޗީފް ވިދާޅުވި ގޮތުގައި ވިޓިންހާ އާއި އަޝްރަފް ހަކީމީ ވެސް މަދު ފަހަރެއްގެ މަތިން އެންމެ މަތީ ވޯޓު ލިބިފައިވާ ކަމަށް ފާހަގަކުރެއްވިއެވެ. ނަމަވެސް އެފަދަ ހާލަތްތައް ވަރަށް މަދު ކަމަށް ވިދާޅުވިއެވެ.

"ޑެމްބެލޭ ވަނީ ހުރިހާ ބައްރެއްގައި ވެސް - އެފްރިކާ، ޔޫރަޕް، ދެކުނު އެމެރިކާ އަދި އުތުރު އެމެރިކާގައި ވެސް ބޮޑު ތަފާތަކުން ވަނީ ކުރި ހޯދާފައި. މިއީ އެއްވެސް ޝައްކެއް ނެތް ބެލޯން ޑީ އޯރ ފަހަރެއް، ޑެމްބެލޭއާއި ކައިރިން މިފަހަރު ވާދަވެރިއެއް ނެތް،" ލެކީޕްއަށް ދެއްވި އިންޓަވިއުގައި ގާސިއާ ވިދާޅުވިއެވެ.