ފްރެންޗް ލީގު 1 ގެ އެންމެ މޮޅު ކުޅުންތެރިޔާގެ މަގާމު ޖެހިޖެހިގެން ދެވަނަ ފަހަރަށް ޕީއެސްޖީގެ ތަރި އޮސްމާން ޑެމްބެލޭ ކާމިޔާބުކޮށްފިއެވެ. މި އެވޯޑު އޭނާ ހާސިލްކުރީ ވޯޓުލީ ފަރާތްތަކުގެ ބޮޑު އަގުލަބިއްޔަތަކާ އެކުގައެވެ.

މި ސީޒަނުގައި އަނިޔާގެ ސަބަބުން ގިނަ މެޗުތަކެއް ގެއްލުނު ނަމަވެސް، ޑެމްބެލޭ ވަނީ ކުޅުނު 20 މެޗުގައި މޮޅު ކުޅުމެއް ދައްކާފައެވެ. އޭނާ ވަނީ މިހާތަނަށް ލީގުގައި 10 ލަނޑު ޖަހައި، އިތުރު 6 ލަނޑު ޖެހުމަށް އެހީތެރިވެދީފައެވެ.

Ad by Hajj Corporation

އެވޯޑު ލިބުމަށްފަހު ވާހަކަދައްކަމުން ޑެމްބެލޭ ބުނީ ޕީއެސްޖީގައި އޭނާ ހޭދަކުރަމުންދަނީ ވަރަށް އާދަޔާ ހިލާފު އަހަރުތަކެއް ކަމަށެވެ. "އަހަރެން އަދިވެސް ހުރީ ތަށިތައް ހޯދުމުގެ ފެންބޮވައިގަތުމެއްގައި. އެކަމުގެ ސަބަބުން ކުރިއަށް ދިއުމަށް އިތުރު ހިތްވަރެއް ލިބޭ،" ޑެމްބެލޭ ބުންޏެވެ.

އަނިޔާގެ މައްސަލަތަކާ ގުޅޭގޮތުން ވާހަކަދައްކަމުން އޭނާ ފާހަގަކުރީ ޖިސްމާނީ ގޮތުން ގިނަ ގޮންޖެހުންތަކެއް ކުރިމަތިވި ނަމަވެސް، ދަނޑުމަތީގައި ކޮންމެ ފަހަރަކުވެސް އެންމެ ރަނގަޅު ކުޅުން ދެއްކުމަށް މަސައްކަތްކުރާ ކަމަށެވެ.

މީގެ އިތުރުން ޑެމްބެލޭ ބުނީ އޭނާއަކީ މިހާރު ބެލޮންޑިއޯ ކާމިޔާބުކޮށްފައިވާ ކުޅުންތެރިޔާ ކަމަށްވުމުން، މީހުން އޭނާއާ ދޭތެރޭ ދެކޭގޮތް ބަދަލުވެފައިވާ ކަމަށެވެ. މި އެވޯޑާއެކު ޑެމްބެލޭ ވެފައިވަނީ ފްރެންޗް ލީގުގައި މިހާރު ހުރި އެންމެ ނުފޫޒުގަދަ އެއް ކުޅުންތެރިޔާއަށެވެ.