ވެލާނާ އިންޓަރނޭޝަނަލް އެއަރޕޯޓުގެ ޓްރެފިކް ފްލޯއަށް ބަދަލުގެނައުމަށް ނިންމައިފިއެވެ.

މިރޭ 12:00 އިން ފެށިގެން ވެލާނާ އިންޓަނޭޝަނަލް އެއާޕޯޓްގެ ޓްރެފިކް ފްލޯއަށް ބަދަލުތަކެއް ގެންނަން ނިންމާފައިވާކަން އެމްއޭސީއެލްއިން ހާމަކޮށްފައިވާއިރު ގެނައި ބަދަލުތަކުގެ ތަފްސީލް ދެއްވަމުން އެމްއެސީއެލްއިން ބުނީ އެއާޕޯޓަށް ވަންނަ ހުރިހާ އުޅަނދެއް އެއަރޕޯޓަށް ވަންނާނީ އެއަރޕޯޓުގެ އެންމެ ބޭރު މަގުންކަމަށެވެ.

Ad by Hajj Corporation

އަދި އެއަރޕޯޓަށް މީހުން ގޮވައިގެން އަންނަ އުޅަނދުތައް ބޭނުންކުރާނީ ޓެކްސީތައް މަޑުކޮށްގެން އޮންނަ ސަރަހައްދުގެ ކުރިމައްޗަށް އޮންނަ މަގުގެ ވާތްފަޅިއަށް ކަމަށް ވެސް އެމްއޭސީއެލް އިން މައުލޫމާތު ދެއެވެ.

މީގެ އިތުރުން އެއަރޕޯޓުގެ ޓާމިނަލް 1 އަދި ޓާމިނަލް 2 އަށް މީހުން ގޮވައިގެން އަންނަ ވެހިކަލްތައް އެއަރޕޯޓުން ނުކުންނާނީ ޓާމިނަލް ކުރިމަތީގައި އޮންނަ މަގުންކަމަށާއި، ބޭރުމަގުން އަންނަ އުޅަނދުތަކުގެ ތެރެއިން އެއަރޕޯޓުން ނުކުންނަން ބޭނުންވާ ވެހިކަލްތައް ބޭނުންކުރާނީ ޕާކިން ސަރަހައްދުގެ ކުރިމައްޗަށް އޮންނަ މަގުގެ ކަނާތްފަޅިކަމަށް ވެސް އެމްއޭސީއެލް ވަނީ އިރުޝާދުދީފައެވެ.