ކުރުނބާ ރިސޯޓް ކައިރިން ދެ ލޯންޗް ޖެހި އެކްސިޑެންޓެއް އަންގާރަ ދުވަހުގެ ރޭ ހިނގައިފިއެވެ.

މެރިން ޕޮލިހުން ބުނިގޮތުގައި މި އެކްސިޑެންޓްގައި އަނިޔާވި މީހަކަށް ހުޅުމާލެ ހޮސްޕިޓަލުގައި އަންނަނީ ފަރުވާދެމުންނެވެ.

Ad by Hajj Corporation

މިރޭ 19:15 ހާއިރު ހިނގި މި އެކްސިޑެންޓްގައި އަނިޔާވި މީހާގެ ކޮނޑު ހުޅުން ވަނީ ނެއްޓިފައެވެ.

މި އެކްސިޑެންޓް ހިނގި ސަރަހައްދުގައި މެރިން ޕޮލިހުން ހަރަކާތްތެރިވަމުންއަންނައިރު، މި މައްސަލައިގެ ތަހުގީގު މިހާރު ކުރިއަށްދާ ކަމަށްވެސް ޕޮލިހުން މަޢުލޫމާތު ދީފައިވެއެވެ.

ނަމަވެސް މި އެކްސިޑެންޓް ހިނގި ގޮތުގެ ތަފްސީލާއި، އެކްސިޑެންޓްގައި ޖެހުނު ލޯންޗްތަކަށް ލިބުނު ގެއްލުމުގެ މިންވަރު އަދި ސާފެއް ނުވެއެވެ.

މި ދުވަސްވަރަކީ މޫސުން ގޯސް ދުވަސްވަރެއް ކަމަށްވާތީ، ކަނޑުދަތުރުފަތުރުކުރާ ފަރާތްތަކުން މޫސުމަށް ސަމާލުވުމަށާއި، މޫސުމާ ގުޅޭ އެންމެ ފަހުގެ މަޢުލޫމާތު ބެލުމަށްފަހު ނޫނީ ދަތުރު ނުފެށުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.