އަގުހެޔޮކޮށް ދެމެހެއްޓެނިވި ގޮތުގައި ލިބޭނެގޮތް ހަމަޖެއްސުމަށް، ސަރުކާރުން އަސާސީ ކާބޯތަކެތީގެ ލިސްޓަށް އިތުރުކުރި ބާވަތްތައް އެސްޓީއޯއިން ވިއްކަން ފަށައިފިއެވެ. މި ބާވަތްތައް މިވަގުތު ލިބެން ހުންނާނީ އެސްޓީއޯ ޕީޕަލްސް ޗޮއިސްއިންނެވެ.

އަސާސީ ކާބޯތަކެތީގެ ލިސްޓަށް 23 ބާވަތެއް އިތުރުކުރަން ނިންމީ، ރާއްޖެއިން އެންމެ ގިނައިން އެތެރެކުރާ ކާބޯތަކެތީގެ ބާވަތްތަކާއި ގޭގޭގައި ކެއިން ބުއިމަށް ބޭނުންކުރާ މިންވަރު އަދި އެ ބާވަތްތަކުގެ ސިއްޙީ ފައިދާތަކަށް ބަލާފައެވެ.

އަގުތައް ކަނޑައަޅާނީ އެވަގުތެއްގެ މާކެޓް ރޭޓްތަކަށް ބަލައިގެން ހެޔޮއަގުގައި ކަމަށާއި،އަދި މި ބާވަތްތަކުގެ އަގުތައް މާކެޓްގައި އުފުލުނަ ނުދީ ހިފަހައްޓާނެކަމަށް އެސްޓީއޯ އިން ވަނީ ބުނެފައެވެ.

ސަރުކާރުން ދަނީ މިފަދަ ބާވަތްތަކުގެ އަގު މަރކެޓުގައި ވަރަށް ބޮޑަށް އުފުލި، އެކަމަށް ޙައްލު ގެނައުމަށް އެސްޓީއޯ މެދުވެރިކޮށް އެ ބާވަތްތައް ބާޒާރަށް ނެރުމުގެ މަސައްކަތް ކުރަމުންނެވެ.އެސްޓީއޯއިން ވަނީ ރާއްޖޭގެ ވިޔަފާރިވެރިންގެ އަތުންވެސް މި ބާވަތްތައް ލިބެން ހުރިނަމަ، ގަންނާނެކަމަށް ބުނެފައެވެ.އެގޮތުން މިހާރު މާކެޓަށް ނެރެފާވާ ބާވަތްތަކުގެ ތެރޭގައި ޕެޝަން ފުރުޓް އަދި ޑްރެގަން ފްރުޓަކީ ހދ. އަތޮޅުގައި ދަނޑު ހައްދާ ރަށަކުން އެސްޓީއޯއަށް ގަންނަ ބާވަތްތަކެވެ.

މިވަގުތު މި ބާވަތްތައް ވިއްކަމުންދަނީ އެސްޓީއޯ ޕީޕަލްސް ޗޮއިސްގަ ރީޓެލްކޮށް ނަމަވެސް ކުރިމަގުގައި ހޯލްސޭލްކޮށްވެސް ވިއްކަން ފަށާނެކަމަށް އެ ކުންފުނިން ވަނީ ބުނެފައެވެ. އަދި އަތޮޅުތަކަށްވެސް ފޮނުވޭނެ ފަސޭހަ އިންތިޒާމުތަކެއް އެސްޓިއޯއިން ހަމަޖައްސާނެ ކަމަށް ވެސް އެ ކުންފުނިން ވަނީ ބުނެފައެވެ.

މި ބާވަތްތައް ބާޒާރުގައި ހުސްނުވެ ހުންނާނެގޮތަށް، ދެމެހެއްޓެނިވި ގޮތެއްގައި ބާޒާރުގައި ދަމަޙައްޓާނެކަމުގެ ޔަގީންކަން ދެއްވާކަމަށާއި އެގޮތަށް މަސައްކަތްތައް ކުރިއަށްގެންދާނެކަމަށް އެސްޓީއޯއިން ވަނީ ބުނެފަްެވެ.

Ad by Hajj Corporation