ށ. ފުނަދޫގައި ޤާއިމްކުރި 30 ޓަނުގެ އައިސްޕްލާންޓް މިއަދު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބުދަ ދުވަހުގެ ރޭ ހުޅުވައިދެއްވައިފިއެވެ.

ދުވާލެއްގެ މައްޗަށް 30 ޓަނުގެ އައިސް އުފެއްދޭ އަދި 50 ޓަނުގެ އައިސް ރައްކާކުރެވޭ މި ޕްލާންޓް ރައީސް ހުޅުއްވައިދެއްވީ ބުދަ ދުވަހުގެރޭ ފުނަދޫ އަށް ކުރެއްވި ޒިޔާރަތުގެ ތެރެއިންނެވެ.

Ad by Hajj Corporation

މި އައިސްޕްލާންޓް ޤާއިމްކުރުމާއެކު، އެ ސަރަހައްދުގެ މަސްވެރިންނަށް އައިސް ލިބުމުގެ ދަތިކަން ޙައްލުވެގެންދާނެއެވެ. އަދި މަސްވެރިކަމުގެ ސިނާއަތަށް އިތުރު ކުރިއެރުމެއް ލިބިގެންދާނެއެވެ.

ފުނަދޫގައި މި އައިސްޕްލާންޓް ޤާއިމްކުރުމަކީ ސަރުކާރުން މަސްވެރިކަމުގެ ދާއިރާ ކުރިއެރުވުމަށް ކުރަމުންދާ މަސައްކަތްތަކުގެ ތެރެއިން އެޅުނު އިތުރު ފިޔަވަޅެކެވެ. މި ޕްލާންޓް މެދުވެރިކޮށް އުތުރުގެ އަތޮޅުތަކުގެ މަސްވެރިންނަށް ފަސޭހަކަމާއެކު އައިސް ލިބޭނެ މަގު ތަނަވަސްވެގެންދާނެއެވެ.