ޕެރިސް ސެއިންޓް ޖަރމަން (ޕީއެސްޖީ) ގެ ފޯވަޑް އުސްމާން ޑެމްބެލޭ ބެލަންޑޯ ކާމިޔާބު ކުރުމަށްފަހު އޭނާގެ މުސާރަ އިތުރުކޮށްދިނުމަށް އެދިއްޖެއެވެ.

ފްރާންސްގެ ނޫސް ކަމަށްވާ ލެކިޕްއިން ހާމަކުރި ގޮތުގައި، ފްރާންސްގެ ސްޓްރައިކަރު މި ވަގުތު ކުލަބާއެކު އައު އެއްބަސްވުމަކަށް ވާހަކަ ދައްކަމުންދާއިރު، ބެލޯން ޑީ އޯރ ކާމިޔާބުކުރުން ބޭނުންކުރަނީ މުސާރަ އިތުރުކުރުމުގެ ބާރަކަށެވެ.

Ad by Hajj Corporation

މި ވަގުތު ޑެމްބެލޭއަށް އަހަރަކު 18 މިލިއަން ޔޫރޯ ލިބޭއިރު، އޭނާގެ މިހާރުގެ އެއްބަސްވުން 2028 ވަނަ އަހަރުގެ ކުރީކޮޅާ ހަމައަށް ދެމިގެންދާނެއެވެ. ނަމަވެސް ދެފަރާތުން މިހާރުވެސް ދަނީ އެއްބަސްވުން އިތުރަށް ދިގުކުރުމާ ގުޅޭގޮތުން މަޝްވަރާކުރަމުންނެވެ.

ނަމަވެސް ރިޕޯޓްތަކުން ބުނާގޮތުން މީގެކުރިން މެސީ އާއި ނޭމާ ފަދަ ކުޅުންތެރިންނަށް ޕީއެސްޖީއިން ދީފައިވާ މުސާރައެއް މިވަގުތު އެއްވެސް ކުޅުންތެރިޔަކަށް ޕީއެެސްޖީގެ ފަރާތުން ޤަބޫލެއް ނުކުރާނެއެވެ.