ސްޕެނިޝް ލަލީގާގައި ރެއާލް މެޑްރިޑް އާއި ގެޓާފޭ އާ ދެމެދު ރޭގައި ކުޅުނު މެޗުގެ ރެފްރީ މުނުއެރާ މޮންޓެރޯގެ ރޭގެ މެޗު ޕްރެޝަރުގައި ރެފްރީ ޕްރޮފެޝަނަލްކޮށް ކުރި މަސައްކަތާމެދު ޓެކްނިކަލް ރެފްރީސް ކޮމިޓީ (ސީޓީއޭ) އިން ހިތްހަމަޖެހުން ފާޅުކޮށްފިއެވެ.

ގެޓާފޭގެ ކޯޗް ޖޯސް ބޯޑަލާސް މެޗަށްފަހު ރެފްރީންގެ ނިންމުންތަކާ ހިތްހަމަނުޖެހުން ފާޅުކުރި ނަމަވެސް، ސްޕެނިޝް ރެފްރީ ކޮމިޓީއިން ވަނީ ރޭގެ ރެފްރީގެ މަސައްކަތް މުރާޖަޢާކޮށް ރަނގަޅު ކަމަށް ނިންމާފައެވެ. ރިޕޯޓުތަކުގައި ފާހަގަކޮށްފައިވާ ގޮތުން، މެޗު ކޮންޓްރޯލް ކުރުމުގައާއި، ދެ ރަތް ކާޑު ދިނުމުގައި އޭނާ ނިންމި ނިންމުންތަކާއި، މެޗުގެ ތެރޭގައި ނިންމި ނިންމުންތަކާއި، ޓީމުތަކުގެ ކެޕްޓަނުންނާއެކު މުއާމަލާތް ކުރި ގޮތް ވަނީ ރަނގަޅު ކަމަށް ފާހަގަކޮށްފައެވެ.

Ad by Hajj Corporation

ސީޓީއޭގެ ރައީސް ފްރާން ސޯޓޯ ވަނީ ކޮލިސިއަމްގައި މެޗު ބެލުމަށް ހާޒިރުވެފައެވެ. މިއީ ކޮމިޓީން ސީދާ ފުޓްބޯޅަ އާއި ކްލަބް އޮފިޝަލުންނާ ގުޅުން ބޭއްވުމަށް ގެންގުޅޭ އާދައެކެވެ.

ސީޓީއޭ އިން މުޅި ހަފްތާ ނިމުނު ގޮތާމެދު ވަނީ ޖުމްލަ ގޮތެއްގައި ހިތްހަމަޖެހޭ ކަމަށް ބުނެފައެވެ.