ޔުއޭފާ ޗެންޕިއަންސް ލީގުގައި ރޭގައި ޗެލްސީ އަދި ލިވަޕޫލުން އެޓީމު ކުޅުނު މެޗުތައް ފަސޭހަކަމާއެކު ކާމިބުކޮށްފިއެވެ. އެގޮތުން ޗެލްސީ އިން އަޔަކްސް އާއި ދެކޮޅަށް ކުޅުނު މެޗު 5-1 އިން ކާމިޔާބުކުރިއިރު، ލިވަޕޫލް ފްރޭންކްފާޓް އާއި ދެކޮޅަށް ކުލުނުމެޗު ލިވަޕޫލޫން ކާމިޔާބުކުރީ 5-1 އިންނެވެ.

ޗެލްސީގެ އަމިއްލަ ދަނޑުގައި ރޭގައި އަޔަކްސް އާއި ވާދަކުރިމެޗުގައި ޗެލްސީގެ ފުރަތަމަ 11 ގައި ޒުވާން ގިނަ ކުޅުންތެރިންތަކެއް ހިމެނުނުނަމަވެސް، ޗެލްސީއިން ވަނީ ފަސޭހަކަމާއެކު މެޗު ކާމިޔާބުކޮށްފައެވެ. ޑްރާމާ ބޮޑު މެޗެއްގޮތުގައި ފާހަގަކުރެވުނު މިމެޗުގެ ކުރީ ކޮޅުގައި ރަތްކާޑެއްގެ އިތުރުން ދެ ޕެނަލްޓީވެސް ފެނިގެންގޮސްފައިވެއެވެ. އެގޮތުން މެޗު ފެށިގެން އެންމެ 17 ވަނަ މިނެޓުތެރޭގައި އަޔަކްސް ގެ ކެޕްޓަން ޓޭލާ ކުރި ފައުލަކާއި ގުޅިގެން އޭނާއަށް ވަނީ ރަތްޚާޑުދައްކާ ފޮނުވާލާފައެވެ.

Ad by Hajj Corporation

މިމެޗުގެ ޗެލްސީގެ ގޯލުތައް ކާމިޔާބުކުރީ ގިއު ގެ އިތުރުން ކައިސެއިޑޯ އާއި އެންޒޯއާއި އެސްޓެވާއޯގެ އިތުރުން ޖޯޖްއެވެ. މީގެތެރެއިން އެންޒޯއާއި އެސްޓެވާއޯގެ ގޯލަކީ ޕެނަލްޓީއިން ކާމިޔާޞުކުރި ގޯލުތަކެވެ. އަޔަކްސްގެ ހަމައެކަނި ގޯލަކީވެސް ޕެނަލްޓީއަކުން ކާޟިޔާޞުކުރި ގޯލެކެވެ.

މީގެއިތުރުން ލިވަޕޫލުން ވެސް ވަނީ ޖަރުމަނުގެ ފްރެންކްފާޓް ބަލިކޮށް، ލިވަޕޫލް ޖެހިޖެހިގެން ބަލިވުމުގެ ސިލްސިލާއަށް ނިމުމެއް ގެނެސްފައެވެ. މިމެޗުގައި ފްރެންކްފާޓްއިން ގޯލެއް ޖަހާފައިވަނިކޮށް ލިވަޕޫލުން ވަނީ ފަހަތުން އަރައި ފަސް ގޯލުޖަހައިފައެވެ. އެގޮތުން ލިވަޕޫލުގެ ގޯލުތައް ކާމިޔާބުކުރީ އެކިޓިކެ އާއި ވެންޑައިކް އާއި ކޮނާޓޭއާއި ގަކްޕޯގެ އިތުރުން ސަބޮޒްލައިއެވެ.

ރޭގެ މެޗުގެ ހާފްޓައިމްގައި ލިވަޕޫލްގެ ފޯޥާޑް އިސާކް ވަނީ އަނިޔާވެ، ދަނޑުން ބާލާފައެވެ. ލިވަޕޫލް މިވަގުތުގައި އޮތީ ތިން މެޗުން ލިބުނު 6 ޕޮއިންޓާއެކު ތާވަލުގެ 10 ވަނައިގައެވެ.