ޕްރިމިއާ ލީގުގައި ވޯލްޑް ޗެންޕިއަން ޗެލްސީގެ އަމިއްލަ ލަނޑުގައި އެޓީމު ލީޑު ނަގާފައިވަނިކޮށް، ފަހުވަގުތު ފަހަތުން އަރައި މޮޅުވެ، ސަންޑަލޭންޑް ތާވަލުގެ ދެވަނަ އަށް އަރައިފިއެވެ. މަމިމެޗު ސަންޑަލޭންޑުން ކާމިޔާބުކުރީ 2-1 ންނެވެ.

މެޗުގެ ފެށުން ރަނގަޅީ ޗެލްސީއަށެވެ. ގަނާޗޯ ވަނީ މެޗުގެ އެންމެ ހަތަރު މިނެޓު ތެރޭގައި ހަނި އެންގަލްއަކުން ގޯލު ޖަހައިދީފައެވެ. މިއީ މި ސީޒަނުގައި އެންޒޯ މަރޭސްކާގެ ޓީމުން ލީގުގައި ޖެހި އެންމެ އަވަސް ގޯލެވެ. ނަމަވެސް 22 ވަނަ މިނެޓުގައި ވިލްސަން އިސިޑޯ ވަނީ ގޯލު ޖަހައި ސަންޑަރލޭންޑަށް ނަތީޖާ ހަމަހަމަކޮށްދީފައެވެ.

Ad by Hajj Corporation

ދެވަނަ ހާފުގައި ގޯލެއް ޖެހުމަށް ޗެލްސީ ފަރާތުން ގަރްނާޗޯއާއި މޮއިސެސް ކައިސޭޑޯ ރަނގަޅު ހަމަލާތަކެއް ފޮނުވާލި ނަމަވެސް، އެ ހަމަލާތައް ސަންޑަރލޭންޑްގެ ގޯލްކީޕަރު ރޮބިން ރޫފްސް ވަނީ ދިފާއުކޮށްފައެވެ.

މެޗުގެ އިތުރު ވަގުތުގައި ސަންޑަލޭންޑަށް މެޗު ކާމިޔާބުކޮށްދިން ލަނޑު ޖަހައިދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ޓާލްބީއެވެ. މި މޮޅާއެކު ސަންޑަލޭންޑް 17 ޕޮއިންޓާއެކު ތާވަލުގެ ދެވަނަ އަށް އެރިއިރު، އެއްވަނައިގައި އޮތީ އާސެނަލް އެވެ.