ހުަލުމާލެ ދެވަނަ ފިޔަވަހީގައި ހުންނަހިޔާ ޓަވަރު އަށަކުން މީހަކު ވެއްޓި މަރުވެއްޖެއެވެ.

ފުލުހުން ބުނީ، މިއަދު ހެނދުނު 8:32 ހާއިރު މިކަމުގެ ރިޕޯޓު ލިބިފައިވާ ކަމަށައި އެމީހާ ހުޅުމާލޭ ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ހޮސްޕިޓަލުން މައުލޫމާތުދީފައިވާ ކަމަށެވެ.

Ad by Hajj Corporation

ވެއްޓިފައިވަނީ 33 އަހަރުގެ ދިވެހި ފިރިހެނެއް ކަމަށާއި އެމީހާ ވެއްޓުނީ އަށްވަނަ ޓަވަރުގެ 14 ވަނަ ފަންގިފިލާއިން ކަމަށް ފުލުހުން މައުލޫމާތުދީފައިވެއެވެ.

ފުލުހުން އަންނަނީ މިކަން އިތުރަށް ތަހުގީގުކުރަމުންނެވެ.