އިންސްޓިޓިއުޓް އޮފް ޗާރޓަރޑް އެކައުންޓެންޓްސް އޮފް ދަ މޯލްޑިވްސް (ސީއޭ މޯލްޑިވްސް) އިން އިންތިޒާމުކޮށްގެން، ރާއްޖޭގައި ފުރަތަމަ ފަހަރަށް ޓެކްސް ފޯރަމެއް ބާއްވަން ތައްޔާރުވެއްޖެއެވެ

"ޝޭޕިންގ އަ ސްމާޓާ ޓެކްސް ފިއުޗާ ޓުގެދާ" ގެ ނަމުގައި ބާއްވާ އެ ފޯރަމް ބޭއްވުމަށް ހަމަޖެހިފައިވަނީ، އަންނަ ހޮނިހިރު ދުވަހުގެ ހެނދު 8:30 އިން ހަވީރު 4:30 އަށް މީރުމާ ހޯލްގައިކަމަށް ސީއޭ މޯލްޑިވްސްއިން ވަނީ ހާމަކޮށްފައެވެ.

Ad by Hajj Corporation

ސީއޭ މޯލްޑިވްސްއިން ބުނީ، ޓެކުހުގެ ދާއިރާއަަށް އަންނަ ޒަމާނީ ބަދަލުތަކާއެކު ކުރިމަތިވާ ގޮންޖެހުންތަކާ ކުރިމަތިލާން ތައްޔާރުވުމުގެގޮތުން، ބިޒްނަސް ލީޑަރުންނާއި ރެގިއުލޭޓަރުން އަދި ކަމާބެހޭ މާހިރުން ބައިވެރިވާ އެ ފޯރަމްގައި މަޢުލޫމާތާއި ޚިޔާލު ބަދަލުކުރާނީ ޓެކްސްއާގުޅޭ ބައިނަލްއަޤުވާމީ ބެސްޓް ޕްރެކްޓިސް ރާއްޖޭގެ މަފްހޫމްގައި ތަންފީޒުކުރާނެ ގޮތްތަކާ ބެހޭގޮތުންކަމަށެވެ.

މީގެއިތުރުން، ރާއްޖެއާއި ބޭރުގެ ގިނަ ޢަދަދެއްގެ މާހިރުން އެ ފޯރަމްގައި ތަޤުރީރުކުރައްވާނެކަމަށާއި ވަކިވަކި މާހިރުން ކުރައްވާ ތަޤުރީރުތަކުގެ އިތުރުން، ފަސް ޕެނަލް ޑިސްކަޝަނެއްވެސް އެ ފޯރަމްގައި ކުރިއަށް ގެންދާނެކަމަށް ސީއޭ މޯލްޑިވްސް އިން ބުނެފައިވެއެވެ.