ރާއްޖެއިން ފަލަސްތީނަށާއި އުރުދުންއަށް ކަނޑައަޅާ ނޮން ރެސިޑެންޓް ސަފީރުކަމުގެ މަގާމަށް 2 ބޭފުޅަކު އައްޔަނުކުރުމަށް ރައްޔިތުންގެ މަޖިލީހުން ގޮތެއް ނިންމެވުމަށް ރައީސުލްޖުމްހޫރިއްޔާ ފޮނުއްވާފައިވާ މައްސަލަ ދިރާސާކުރަން ކޮމިޓީއަށް ފޮނުވައިފިއެވެ. 

ނޮން-ރެޒިޑެންޓް ސަފީރުން ކަނޑައަޅުއްވަނީ ފަލަސްތީނަށާއި އުރުދުންއަށެވެ.

Ad by Hajj Corporation

ނޮން-ރެޒިޑެންޓް ސަފީރުން ކަނޑައަޅުއްވާފައިވާގޮތުގެ ތަފްސީލު:

1. | ޑޮކްޓަރ ހާލާ ޙަމީދު | ހާޝިމައިޓް ކިންގްޑަމް އޮފް ޖޯޑަންއަށް ދިވެހިރާއްޖެއިން ކަނޑައަޅާ ނޮން-ރެސިޑެންޓް ސަފީރުކަމަށް
މީނާޒް |
2. | ޑޮކްޓަރ އިބްރާހީމް ޒުހުރީ | ސްޓޭޓް އޮފް ޕަލެސްޓައިންއަށް ދިވެހިރާއްޖެއިން ކަނޑައަޅާ ނޮން-ރެސިޑެންޓް ސަފީރުކަމަށް
އިރަމާގެ، ނ.ހޮޅުދޫ 

ދިވެހިރާއްޖޭގެ ފޮރިން ސަރވިސް ޤާނޫނުގެ ދަށުން ބޭރު ޤައުމުތަކަށް ސަފީރުން އައްޔަންކުރެއްވޭނީ ރައްޔިތުންގެ މަޖިލީހުން ރުހުން ލިބިވަޑައިގެންނެވެ.

ސަފީރުންނަށް ރުހުން ހޯދުމުގެ މައްސަލަ ދިރާސާކުރުމަށް ފޮނުއްވާފައިވަނީ ޚާރިޖީ ގުޅުންތަކުގެ ކޮމިޓީއަށެވެ. ޤައުމުތަކަށް ނޮން-ރެޒިޑެންޓް ސަފީރުން އައްޔަން ކުރައްވާނީ ކޮމިޓީން މައްސަލަ ދިރާސާކޮށް ގޮތެއް ނިންމުމަށްފަހު މަޖިލީހުގެ ތަޅުމުގައި މެންބަރުންގެ މެދުގައި ނަގާ ވޯޓަށްފަހުއެވެ.