ސްޕެއިންގެ ލަލީގާގައި ބާސެލޯނާ އިން ޑެޕޯޓިވޯ އަލަވޭސް އަތުން 3-1 ގެ ނަތީޖާއަކުން މޮޅުވެ، ވަގުތީ ގޮތުން ލީގުގެ އެއްވަނައަށް އަރައިފިއެވެ. މިއީ އަލަވޭސް އާއި ބާސާ ބައްދަލުކުރި ފަހުގެ ނުވަ މެޗުގެ ތެރެއިން ބާސާ މޮޅުވި އަށްވަނަ މެޗެވެ.

މެޗު ފެށިތާ އެއް މިނެޓު ނުވަނީސް އަލަވޭސް އިން ވަނީ ކޭމްޕް ނޫގެ ސަޕޯޓަރުންގެ އަޑު ކަނޑުވާލާފައެވެ. ކޯނަރަކަށްފަހު ބާސެލޯނާގެ ޑިފެންޑަރުންނަށް ބޯޅަ ސާފުނުކުރެވުމުން އިބާނޭޒް ވަނީ ގޯލު ޖަހައިފައެވެ.

Ad by Hajj Corporation

ނަމަވެސް، ހަތް މިނެޓު ފަހުން ރަފީނިއާ ވަނީ ބާސެލޯނާގެ ފުރަތަމަ ޝޮޓް ގޯލަށް ފޮނުވާލާފައެވެ. އަދި އޭގެ ކުޑަ އިރުކޮޅެއް ފަހުން، ލެފްޓް ފްލޭންކުން ބްރެޒިލްގެ ކުޅުންތެރިޔާ ރަފީނިއާ އެސިސްޓާއެކު ޔަމާލް ވަނީ މެޗު އެއްވަރުކޮށްދީފައެވެ. އަދި މެޗުގެ 26 ވަނަ މިނެޓުގައި ރަފީނިއާގެ ރީތި އެސިސްޓަކުން ޑެނީ އޮލްމޯ ވަނީ ބާސާގެ ދެވަނަ ގޯލު ވައްދާލާފައެވެ.

ބާސާގެ ތިންވަނަ ގޯލަކީ ކައުޓަރ އޭޓޭކެއްގައި ޔަމާލް ދިން ރީތި ޕާހަކުން އޮލްމޯ ޖެހި ގޯލެކެވެ. މި މޮޅާއެކު ބާސެލޯނާއަށް ވަނީ ލީގުގައި ކުޅުނު 14 މެޗުން 34 ޕޮއިންޓާއެކު ތާވަލުގެ އެއްވަނަ އަށް އަރާފައެވެ. ތާވަލުގެ ދެވަނައިގައިވާ ރެއާލް މެޑްރިޑް މިވަގުތު އޮތީ އެއްމެޗު މަދުން ކުޅެ 32 ޕޮއިންޓާއެކުގައެވެ.