ގޯޓް މެސީ ފުޓްބޯޅައިގެ ތާރީޚުގައި އެންމެ ގިނަ އެސިސްޓް ހެދުމުގެ ރެކޯޑް މުގުރާލައިފި
30 ނޮވެމްބަރު 2025 - 07:26
.jpg&w=3840&q=75)
އާޖެންޓީނާގެ މަޝްހޫރު ފުޓްބޯޅަ ކުޅުންތެރިޔާ ލިއޮނަލް މެސީ، ފުޓްބޯޅަ ތާރީޚުގައި އެންމެ ގިނަ އެސިސްޓް ހެދި ކުޅުންތެރިޔާގެ ވޯލްޑް ރެކޯޑު ގާއިމުކޮށްފިއެވެ. މިއީ މެސީގެ ކެރިއަރުގައި ހޯދި އިތުރު ފާހަގަކޮށްލެވޭ ކާމިޔާބީއެކެވެ.
މެސީ މި ރެކޯޑު ގާއިމުކުރީ އޭނާ މިހާރު ކުޅެމުންދާ އިންޓަރ މިއާމީ ޓީމަށް އެމްއެލްއެސް ކަޕް ސެމީ ފައިނަލުގައި ނިއު ޔޯކް ސިޓީއާ ދެކޮޅަށް ކުޅުނު މެޗުގައެވެ. މި މެޗުގައި މެސީ ހެދި އެސިސްޓަކީ އޭނާގެ ކެރިއަރުގެ 405 ވަނަ އެސިސްޓެވެ. މީގެ ކުރިން މެސީ ވަނީ ލެޖެންޑަރީ ފެރެންކް ޕުސްކާސްއާ އެއްވަރަށް އެސިސްޓް ހަދާފައެވެ.

Ad by Hajj Corporation
މެސީގެ މި ކާމިޔާބީއާއެކު، އެންމެ ގިނަ އެސިސްޓް ހެދި ކުޅުންތެރިންގެ ލިސްޓުގެ އެއްވަނައަށް މެސީ އަރާފައިވާއިރު، އެ ލިސްޓު އެކުލެވިގެންވާ ގޮތް ތިރީގައި މިވަނީއެވެ:
- 1. ލިއޮނަލް މެސީ - 405 އެސިސްޓް
- 2. ފެރެންކް ޕުސްކާސް - 404 އެސިސްޓް
- 3. ޕެލޭ - 369 އެސިސްޓް
- 4. ޔޯހާން ކްރައިފް - 358 އެސިސްޓް
- 5. ތޯމަސް މުލަރ - 352 އެސިސްޓް
- 6. ލުއިސް ސުއަރޭޒް - 317 އެސިސްޓް
- 7. ކެވިން ޑި ބްރައިނާ - 316 އެސިސްޓް
- 8. އެންޖެލް ޑި މާރިއާ - 313 އެސިސްޓް
- 9. ކްރިސްޓިއާނޯ ރޮނާލްޑޯ - 304 އެސިސްޓް
- 10. ލުއިސް ފިގޯ - 283 އެސިސްޓް
މި 38 އަހަރުގެ ކުޅުންތެރިޔާ މިހާތަނަށް ވަނީ 896 ގޯލު ޖަހައި، 405 އެސިސްޓް ހަދާފައެވެ. މިއީ ފުޓްބޯޅައިގެ ތާރީޚުގައި އެންމެ ގިނަ ގޯލް ކޮންޓްރިބިއުޝަން (ގޯލާއި އެސިސްޓް) ހެދި ކުޅުންތެރިޔާގެ ލަގަބުވެސް މެސީއަށް ލިބިގެންދާ ކަމެކެވެ. މިކާމިޔާބީއާއެކު މެސީ މެސީއަކީ ފުޓްބޯޅައިގެ މިހާތަނަށް އުފެދުނު އެންމެ މޮޅުކުޅުންތެރިޔާކަމަށް ގިނަބަޔަކު ބުނާ ބުނުމަށް ބާރުލިބެއެވެ.


