logo
ހުޅުމާލޭ ގެސްޓްހައުސްއެއްގެ ކޮޓަރިއެއްގައި މަރުވެފައި އޮތް މީހަކު ފެނިއްޖެBank of Maldives

Bank of Maldives

ޚަބަރު

އިހަވަންދޫ ރަސްތަރި ޤުރުއާން މުބާރާތް ނިންމުމުގެ ރަސްމިއްޔާތު ޝަހީމް ޝަރަފްވެރިކޮށްދެއްވައިފި

މުހައްމަދު މޫސާމުހައްމަދު މޫސާ
30 ނޮވެމްބަރު 2025 - 07:51
އިހަވަންދޫ ރަސްތަރި މުބާރާތުގެ 1ނަނަ ހޯދި ދަރިވަރަށް ވަޒީރު އިނާމް ދެއްވަނީ، ފޮޓޯ: އިސްލާމިކް މިނިސްޓްރީ
އިހަވަންދޫ ރަސްތަރި މުބާރާތުގެ 1ނަނަ ހޯދި ދަރިވަރަށް ވަޒީރު އިނާމް ދެއްވަނީ، ފޮޓޯ: އިސްލާމިކް މިނިސްޓްރީ

ހއ. އިހަވަންދޫ ކައުންސިލުން އަތޮޅަށް ހުޅުވާލައިގެން ބޭއްވި ރަސްތަރި ޤުރުއާން މުބާރާތުގެ ނިންމުމުގެ ރަސްމިއްޔާތު ސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސައީދު ހޮނިހިރު ދުވަހުގެ ރޭ ޝަރަފްވެރުކޮށްދެއްވައިފިއެވެ.

މި ރަސްމިއްޔާތު ބާއްވާފައިވަނީ އިހަވަންދޫ ބަނދަރު ސަރަހައްދުގައެވެ.

Ad by Hajj Corporation

Ad by Hajj Corporation

މި މުބާރާތުގެ ނަތީޖާ ފާޅުކުރުމުގެ ހަފްލާގައި، މުބާރާތުގެ އެއްވަނަ ރަށަކަށް ހޮވުނީ ހއ. ދިއްދޫއެވެ. ދެވަނަ ހޯދީ އިހަވަންދޫ ކަމަށްވާއިރު، ތިންވަނަ ހޯދީ ކެލައެވެ. ރަށްރަށަށް ދޭ އިނާމުގެ ގޮތުގައި އެއްވަނަ ރަށަށް 10,000 ރުފިޔާ، ދެވަނަ ރަށަށް 7,000 ރުފިޔާ އަދި ތިންވަނަ ރަށަށް 5,000 ރުފިޔާގެ ފައިސާގެ އިނާމު ވަނީ ހުށަހަޅާފައެވެ.

ބައިވެރިންގެ ތެރެއިން އެއްވަނަ ހޯދާފައިވަނީ އ. އިހަވަންދޫ، ދޭލިޔާގެ، ޔައިޝާ ޔާސިރު އިބްރާހިމް އެވެ. ދެވަނަ ހޯދާފައިވަނީ ހއ. ދިއްދޫގެ މަރިޔަމް ހިބާ ހުސައިން / ވިގޯރަސް އެވެ. އަދި މި މުބާރާތުގެ ތިންވަނަ ހޯދާފައިވަނީ ހއ. އިހަވަންދޫގެ އައިޝަތު މައިހާ މާހިރު / ރަށްމެދުގެ އެވެ.

މުބާރާތުގެ އެއްވަނަ ބައިވެރިޔާއަށް އުމުރާ ދަތުރަކާއެކު 10,000 ރުފިޔާގެ ފައިސާގެ އިނާމެއް ހުށަހަޅާފައިވެއެވެ. ދެވަނަ ބައިވެރިޔާއަށް 6,000 ރުފިޔާ އަދި ތިންވަނަ ބައިވެރިޔާއަށް 3,000 ރުފިޔާގެ ފައިސާގެ އިނާމު ވަނީ ދިނުމަށް ހަމަޖެހިފައެވެ. މިފަދަ މުބާރާތްތަކަކީ ޤުރުއާނާ ގުޅުން ހުރި ދިވެހި ޒުވާނުންގެ ޝައުޤުވެރިކަން އިތުރުކުރުމަށް ބޮޑު އެހީއެއް ލިބޭނެ ކަމެއްކަން ފާހަގަކޮށްލެވެއެވެ.

މި މުބާރާތަކީ މިހާތަނަށް ތިންވަނަ ފަހަރަށް ބާއްވާފައިވާ މުބާރާތެކެވެ. މިއަހަރުގެ މުބާރާތް ކުރިއަށް ގެންގޮސްފައިވަނީ މިމަހުގެ 27 ވަނަ ދުވަހުން ފެށިގެން 29 ގެ ނިޔަލަށެވެ.

Bank of Maldives

Bank of Maldives

ކޮމެންޓް

ގުޅުންހުރި ލިޔުންތައް

ދިއްދޫ އިސްލާމީ މަރުކަޒަކީ ރައީސް މުޢިއްޒުގެ ޒައާމަތުގައި ގެނެސްދެއްވި ބޮޑު ޢިލްމީ ކުރިއެރުމެއް: ލަތީފްޚަބަރު | 43 މިނިޓު ކުރިންއިހަވަންދޫ ރަސްތަރި ޤުރުއާން މުބާރާތް ނިންމުމުގެ ރަސްމިއްޔާތު ޝަހީމް ޝަރަފްވެރިކޮށްދެއްވައިފިޚަބަރު | ގަޑިއިރެއް ކުރިންދިއްދޫ އިސްލާމީ މަރުކަޒުގެ ކުތުބުޚާނާ އަދި ޤުރްއާނާބެހޭ ޤައުމީ މަރުކަޒުގެ ގޮފި ހުޅުވައިފިޚަބަރު | ދުވަހެއް ކުރިން އިސްލާމީ މަރުކަޒުތައް ތަރައްޤީކުރުމުގެ ބޭނުމަކީ، ރާއްޖޭގައި އިސްލާމީ ޢިލްމާއި ނޫރު ފެތުރުން:ޑރ ޝަހީމްޚަބަރު | 2 ދުވަސް ކުރިން